গুৱাহাটী, 8 ফেব্ৰুৱাৰীঃ মহানগৰীৰ মালিগাঁৱত পুণৰ বনৰজাৰ আতংক । মালিগাঁৱৰ জয়ানগৰত দীৰ্ঘদিন ধৰি এটা নাহৰফুটুকীয়ে চলাই আছে সন্ত্ৰাস । খাদ্যৰ সন্ধানত বনাঞ্চলৰ পৰা জনাঞ্চলৰলৈ নামি আহিছে নাহৰফুটুকীটো । পিন্টু কাশ্যপ নামৰ এগৰাকী লোকৰ বাসগৃহত সংস্থাপিত চিচি টিভি কেমেৰাত বন্দী হ'ল নাহৰফুটুকীৰ মুক্ত বিচৰণৰ দৃশ্য । নাহৰফুটুকীৰ মুক্ত বিচৰণত এতিয়া আতংকিত হৈ পৰিছে অঞ্চলবাসী । বিগত কিছুদিন পূৰ্বেও অঞ্চলটোত পোহনীয়া কুকুৰ ভক্ষণ কৰিছিল নাহৰফুটুকীটোৱে । যাৰ বাবে ঘৰৰ পৰা বাহিৰ ওলাবলৈ দহবাৰ চিন্তা কৰে জয়ানগৰবাসীয়ে । ইফালে একাংশ দুষ্টচক্ৰই বনাঞ্চল ধ্বংস কৰাৰ ফলতে এনেদৰেই বন্যপ্ৰাণীয়ে জনাঞ্চললৈ আহিবলগীয়া হৈছে বুলি মন্তব্য কৰে । বন বিভাগক শীঘ্ৰে ব্যৱস্থা গ্ৰহণৰ বাবে কাতৰ অনুৰোধ জনাইছে অঞ্চলটোৰ ৰাইজে ।
আৰু পঢ়কঃ মেট্ৰিকত নকল কৰিলে 3 বছৰৰ বাবে নিলম্বিত হ'ব পৰীক্ষাৰ্থী
