গুৱাহাটী, 8 জানুৱাৰীঃ CAA বিৰোধী আন্দোলনত অংশলোৱাৰ পাচতে গ্ৰেপ্তাৰ হোৱা ধৈৰ্য কোঁৱৰ আৰু বিতু সোণোৱালক 10 দিনৰ বাবে NIAৰ জিম্মালৈ প্ৰেৰণ কৰা হয় ৷ মাওবাদীৰ সৈতে সম্পৰ্ক থকাৰ অভিযোগৰ ভিত্তিত 13/19 নম্বৰ গোচৰত কৃষক মুক্তি সংগ্ৰাম সমিতিৰ যুটীয়া সাধাৰণ সম্পাদক ধৈৰ্য কোঁৱৰ আৰু সভাপতি বিতু সোণোৱালক 10 দিনৰ বাব NIA ৰ জিম্মালৈ প্ৰেৰণ কৰা হয় ৷
আদালতৰ পৰা NIA ৰ জিম্মালৈ লৈ যোৱা অৱস্থাত ধৈৰ্য কোঁৱৰ আৰু বিতু সোণোৱালে মৌনতা অৱলম্বন কৰা পৰিলক্ষিত হ'ল ৷ ধৈৰ্য কোঁৱৰৰ মুখত কেঁৱল জই আই অসম বানী শুনা গ'ল ৷ ইপিনে সাংবাদিকৰো কোনো প্ৰশ্নৰ উত্তৰ নিদিলে ধৈৰ্য কোঁৱৰে ৷ আদালতৰ পৰা পোনে পোনে দুয়োগৰাকী কৃষক নেতা NIAৰ জিম্মালৈ লৈ যোৱা হয় ৷ ইপিনে ধৈৰ্য কোঁৱৰ আৰু বিতু সোণোৱালৰ অধিবক্তাই জনোৱা অনুসৰি দুই কৃষক নেতা 10 দিন NIAৰ জিম্মাত থকাৰ পাচতহে তেওঁলোকে পৰৱৰ্তী জামিনৰ বাবে আবেদন কৰিব পাৰিব ৷
লগতে পঢ়ক - বিজু গগৈৰ পাচত আলফাত যোগদান চাবুৱাৰ যুৱকৰ
