পুনৰ মাওবাদীৰ সন্দেহত গ্ৰেপ্তাৰ কৃষক নেতা ধৈৰ্য্য কোঁৱৰ আৰু বিতু সোণোৱাল

"চৰকাৰ পগলা হৈছে ৷ জাতিৰ বাবে মুক্ত ভাৱে কাম কৰি থকাৰ বাবে চৰকাৰে ষড়যন্ত্ৰ কৰি গ্ৰেপ্তাৰ কৰাইছে আমাক ৷"

গুৱাহাটী, 7 জানুৱাৰী: মঙলবাৰে NIA 13/19 গোচৰত মাওবাদীৰে সম্পৰ্ক থকাৰ অভিযোগত NIA ই জিম্মাত বিচাৰিব কৃষক নেতা ধৈৰ্য্য কোঁৱৰ আৰু বিতু সোণোৱালক ৷ NIAৰ প্ৰডাকশ্যন ৱাৰেন্টত NIA আদালতত হাজিৰ কৰোৱা হয় কৃষক নেতাদ্বয়ক ৷ দৰাচলতে "CAA" বিৰোধী আন্দোলনত বিক্ষিপ্ত ঘটনা সংঘটিত কৰাৰ অভিযোগত 13 ডিচেম্বৰত চানমাৰী থানাৰ আৰক্ষীয়ে গ্ৰেপ্তাৰ কৰিছিল ধৈৰ্য্য কোঁৱৰ আৰু বিতু সোণোৱালক ৷

16 ডিচেম্বৰত কৃষক নেতাদ্বয়ে জামিন পায় কাৰাগাৰৰ পৰা ওলাই আহোতেই পুনৰ কাৰাগাৰৰ গেটতে আন এটা গোচৰত দুয়োকে গ্ৰেপ্তাৰ কৰে বশিষ্ঠ থানাৰ আৰক্ষীয়ে। বৰ্তমান ন্যায়িক জিম্মাত আছে দুই কৃষক নেতা ৷ আনহাতে সাংবাদিকৰ স'তে হোৱা কথোপকথনত মাওবাদীৰ সৈতে থকা সম্পৰ্কৰ কথা অস্বীকাৰ কৰাৰ লগতে নতুন ৰাজনৈতিক দল গঠনতকৈ "CAA" বাতিলৰ ক্ষেত্ৰত বেছি গুৰুত্ব দিবলৈ ৰাইজক আহ্বান জনায় ধৈৰ্য্য কোঁৱৰে ৷

লগতে পঢ়ক: বাৰাণসী ৰে’ল ষ্টেচনত নিষিদ্ধ একক ব্যৱহৃত প্লাষ্টিক