যোৰাবাটত দুখন অবৈধ কয়লা ভৰ্তি ট্ৰাক জব্দঃ দুজনক আটক

মেঘালয়ৰ বৰ্নিহাটৰ পৰা গুৱাহাটীৰ বেলতলা অভিমুখে নি থকা অৱস্থাত AS-19C-7687 আৰু UP-61AT-2324 নম্বৰৰ দুখন অবৈধ কয়লা ভৰ্তি ট্ৰাক জব্দ কৰে আৰক্ষীয়ে।

গুৱাহাটী,1 নৱেম্বৰঃ ৰাজ্যত এতিয়াও অব্যাহত আছে অবৈধ কয়লাৰ চোৰাং সৰবৰাহ। যোৰাবাট আৰক্ষীয়ে বৃহস্পতিবাৰে নিশা আৰক্ষী চকীৰ সমুখত চলোৱা এক বিশেষ অভিযানত দুখন অবৈধ কয়লা ভৰ্তি ট্ৰাক জব্দ কৰে। মেঘালয়ৰ বৰ্নিহাটৰ পৰা গুৱাহাটীৰ বেলতলা অভিমুখে নি থকা অৱস্থাত AS-19C-7687 আৰু UP-61AT-2324 নম্বৰৰ দুখন অবৈধ কয়লা ভৰ্তি ট্ৰাক জব্দ কৰে আৰক্ষীয়ে। অবৈধ কয়লা ভৰ্তি ট্ৰাক চালক অফিচাৰ আলী আৰু নৱসাদ আহমেদক যোৰাবাট আৰক্ষীয়ে সোধপোচৰ বাবে আটক কৰিছে।

আনহাতে ট্ৰাক চালক নৱসাদ আহমেদে কয় যে সুৰেন্দ্ৰ নামৰ কয়লা মাফিয়াই ট্ৰাক সমূহত কয়লা ভৰ্তি কৰি সৰবৰাহ কৰিবলৈ দিয়ে ৷ কিন্তু কোন এই সুৰেন্দ্ৰ ৷ ঘটনা সন্দৰ্ভত ইতিমধ্যে যোৰাবাট আৰক্ষীয়ে এক গোচৰ ৰুজু কৰি তদন্ত আৰম্ভ কৰিছে।

লগতে চাওকঃ কেবক সমৰ্থন কৰিলে বাংলাদেশীক সমৰ্থন কৰা বুজাবঃ সমুজ্জল কুমাৰ ভট্টাচাৰ্য