গুৱাহাটী, 20 ছেপ্তেম্বৰঃ দিছপুৰ প্ৰেছ ক্লাৱত অসম ৰাজ্যিক জমিয়ত উলামাৰ সদস্য আমিনুল ইছলামৰ সংবাদমেল ৷ সংবাদমেল সম্বোধন কৰি ইছলামে ‘প্ৰথমে খিলঞ্জীয়া কোন সেয়া নিশ্চিত কৰক, তাৰ পিছত খিলঞ্জীয়াৰ আসন সংৰক্ষণৰ বিষয়টো আনক’ বুলি গুৰুত্বপূৰ্ণ মন্তব্য কৰে । জমিয়ত উলামা সংগঠনটোৱে ‘চৰকাৰী চাকৰি আৰু বিধানসভা-লোকসভাত খিলঞ্জীয়াৰ আসন সংৰক্ষণৰ বিষয়টোত তীব্ৰ বিৰোধিতা কৰে’ বুলিও কয় ।
আনহাতে আমিনুল ইছলামে কয় ‘সংবিধান প্ৰণয়ন হোৱাৰ পৰাই বিশেষভাৱে পিছপৰা জনজাতি আৰু জনগোষ্ঠীয় লোকসকলৰ বাবে বিশেষ সা-সুবিধা দি অহা হৈছে, কিন্তু অসম চুক্তিৰ ৬ নং দফা ৰূপায়ন সমিতিয়ে সংবিধানৰ বাহিৰেও খিলঞ্জীয়া ৰক্ষাকৱচ দিবলৈ ওলোৱা কাৰ্যক আমি কোনো মতে মানি নলও’ বুলিও সদৰী কৰে। দিছপুৰ প্ৰেছ ক্লাবত অনুষ্ঠিত বৃহস্পতিবাৰৰ সংবাদমেলতে সংগঠনটোৱে চাহ জনগোষ্ঠীয় লোকসকৰ শ শ বছৰ ধৰি বসবাস কৰি অহাৰ পাছতো ভূমি অধিকাৰ নিদিয়াক লৈ ক্ষুভ প্ৰকাশ কৰে সংগঠনটোৱে । ইয়াৰ উপৰিও পাহাৰীয়া অঞ্চলৰ লোক সকলৰ ভূমি অন্য ৰাজ্যৰ বনিয়াই অবাধ লুন্ঠন কৰি অহা বুলি সংগঠনটোৱে অভিযোগ কৰে।
উল্লেখ্য যে, এই সংক্ৰান্তত পুন: বিবেচনাৰ কৰিবৰ বাবে অসম ৰাজ্যিক জমিয়ত উলামাই অসম চুক্তিৰ ৬ নং দফা ৰূপায়ন সমিতিলৈ আজি স্মাৰক পত্ৰ প্ৰেৰণ কৰে বুলি কয় আমিনুল ইছলামে ৷
