১৩ আগষ্ট, গুৱাহাটী : স্বাধীনতা দিৱসৰ প্ৰাকক্ষণত আৰক্ষী প্ৰশাসন সষ্টম হৈ থকাৰ সময়তে মহানগৰীত অবৈধ সুৰা ব্যৱসায়ীৰ দু:সাহস । বুধবাৰে নিশা মহানগৰীৰ নুনমাটিৰ পৰা আৰক্ষীয়ে জব্দ কৰে বহু পৰিমাণৰ বিলাতী আৰু দেশীয় সুৰা । নুনমাটিৰ ২নং মঠঘৰীয়াৰ ত্ৰিনয়ন পথস্থিত কংকণ দাসৰ ঘৰত অভিযান চলাই আৰক্ষীয়ে বিলাতী আৰু দেশীয় সুৰা জব্দ কৰাৰ লগতে কংকণ দাসক গ্ৰেপ্তাৰ কৰে ।
কৰ'ণা মহামাৰীৰ বিভীষিকা অব্যাহত থকাৰ সময়তো অবৈধভাৱে বিলাতী আৰু দেশীয় সুৰাৰ ব্যৱসায় চলাই আহিছিল কংকণ দাসে । বুধবাৰে নিশা নুনমাটি আৰক্ষীয়ে সুৰাসহ কংকণ দাসক গ্ৰেপ্তাৰ কৰে । আনহাতে আগন্তুক দিনত অবৈধ সুৰা আৰু সুৰা ব্যৱসায়ীৰ বিৰুদ্ধে আৰক্ষীৰ অভিযান অধিক তীব্ৰতৰ হ'ব বুলি মন্তব্য কৰিছে নুনমাটি আৰক্ষীয়ে ।
লগতে পঢ়ক : সপ্তদশ মৃত্যুতিথিত ড॰ ভবেন্দ্ৰ নাথ শইকীয়াক শ্ৰদ্ধাঞ্জলি আৱাহন পৰিয়ালৰ
