গুৱাহাটী, 11 জানুৱাৰী: অসমীয়াৰ হেঁপাহৰ ভোগালী বিহুলৈ মাজত মাত্ৰ দুটা দিন ৷ ভোগালী বিহুক লৈ উচাহৰ অন্ত নাই সকলোৰে ৷ ভোগালীৰ প্ৰাকক্ষণত মহানগৰীৰ হায়াট হাস্পতালে অনুষ্ঠিত কৰিলে প্ৰি ভোগালী উৎসৱ ৷ বিহুৰ সময়ত চিকিৎসাৰ বাবে নিজ ঘৰত উপস্থিত থাকিব নোৱাৰা ৰোগীসকলক মানসিকভাৱে কিছু উৎসাহ দিয়াৰ বাবেই এই প্ৰচেষ্টা চিকিৎসালয়খনৰ ৷ শনিবাৰৰ এই অনুষ্ঠানত উপস্থিত থাকে অভিনেত্ৰী চেতনা দাস আৰু গায়ক বিমান বৰুৱা ৷ শিল্পীদ্বয়ে ৰোগীসকলৰ মাজত ভোগালীৰ বিভিন্ন পিঠা পনা বিতৰণ কৰে ৷ চিকিৎসালয়খনৰ এই প্ৰচেষ্টাক ৰোগীসকলৰ লগতে সকলোৱে শলাগ লয় ৷ লগতে চৰকাৰে শিল্পীসকলে মঞ্চত গীত পৰিবেশন কৰিলে জি এচ টি দিব লাগিব বুলি কৰা ঘোষণাৰো তীব্ৰ সমালোচনা কৰে দুই শিল্পীয়ে ৷
প্ৰি-ভোগালী উৎসৱ
