গুৱাহাটী বিশ্ববিদ্যালয়ত মুখ্যমন্ত্ৰীৰ প্ৰতিকৃতি সৎকাৰ

নাগৰিকত্ব সংশোধনী বিধেয়কখনৰ বিৰুদ্ধে গুৱাহাটী বিশ্ববিদ্যালয়ত মুখ্যমন্ত্ৰীক সৎকাৰ কৰি প্ৰতিবাদ সাব্যস্ত কৰে ছাত্ৰ মুক্তি সংগ্ৰাম সমিতিয়ে

গুৱাহাটী,19 নৱেম্বৰ: জাতিধ্বংসী নাগৰিকত্ব সংশোধনী বিধেয়ক বাতিলৰ দাবীত ৰাজ্যত অব্যাহত আছে প্ৰতিবাদ । অসমৰ সকলো দল-সংগঠনে একেমুখে ধিক্কাৰ দিছে জাতিৰ অস্তিত্বৰ প্ৰতি ভাবুকি কঢ়িয়াই অনা নাগৰিকত্ব সংশোধনী বিধেয়কখন । মংগলবাৰে পুনৰ বিধেয়কখনৰ বিৰুদ্ধে গুৱাহাটী বিশ্ববিদ্যালয়ত প্ৰতিবাদ সাব্যস্ত কৰে ছাত্ৰ মুক্তি সংগ্ৰাম সমিতিয়ে । শ্মশান যাত্ৰা কাৰ্যসূচীৰে কেন্দ্ৰ-ৰাজ্য চৰকাৰক সকিয়নী সংগঠনটোৰ । মুখ্যমন্ত্ৰী সৰ্বানন্দ সোণোৱালৰ প্ৰতিকৃতি শ্মশানলৈ নি দাহ কৰি অভিনৱ প্ৰতিবাদ সাব্যস্ত কৰে ছাত্ৰ মুক্তি সংগ্ৰাম সমিতিয়ে ৷ কোনো কাৰণতে বিধেয়কখন গৃহীত হ'বলৈ দিয়া নহ'ব বিজেপি চৰকাৰক হুংকাৰ প্ৰদান সংগঠনটোৰ । এই শ্ম'শান যাত্ৰাৰে গুৱাহাটী বিশ্ববিদ্যালয়ৰ বাবে মুখ্যমন্ত্ৰী সৰ্বানন্দ সোণোৱালক মৃত বুলি কয় প্ৰতিবাদকাৰীয়ে । ইয়াৰোপৰি বিভিন্ন চৰকাৰ বিৰোধী শ্ল'গানেৰে প্ৰতিবাদস্থলী উত্তাল কৰে ছাত্ৰ মুক্তি সংগ্ৰাম সমিতিয়ে । আনহাতে আঞ্চলিকতাবাদৰ ধ্বজাবহনকাৰী অগপৰ স্থিতিকো তীব্ৰ সমালোচনা কৰে ছাত্ৰ সংগঠনটোৱে ।