গুৱাহাটী, 21 ডিচেম্বৰ : গুৱাহাটী মহানগৰীত অবৈধভাৱে ব্যৱসায় চলাই থকা ব্যৱসায়িক প্ৰতিষ্ঠানৰ বিৰুদ্ধে প্ৰশাসন হাঁতোৰা ৷ পৌৰ নিগমৰ ট্ৰেড লাইচেঞ্চ নোহোৱাকৈ অবৈধভাৱে মহানগৰীত ব্যৱসায় কৰি থকা ব্যৱসায়িক প্ৰতিষ্ঠানৰ বিৰুদ্ধে মঙলবাৰে গুৱাহাটী পৌৰ নিগমে (Guwahati Municipal Corporation) চলাই এক অভিযান ৷ এই অভিযানত গুৱাহাটী পৌৰ নিগমে উচ্ছেদ কৰে কেইবাখনো শাক-পাচলিৰ দোকানৰ লগতে মাছ-মাংস বিক্ৰী কৰা দোকানো (GMC drive against unathorised illegal shops in Guwahati) ৷
কেৱল উচ্ছেদ কৰাই নহয়, অস্বাস্থ্যকৰ পৰিৱেশত নীতি বহিঃভূত ভাৱে ব্যৱসায় চলাই যোৱা ব্যৱসায়ীক প্ৰতিষ্ঠানৰ পৰা জৰিমণাও আদায় কৰে গুৱাহাটী পৌৰ নিগমে ৷ গুৱাহাটী পৌৰ নিগমৰ পশু চিকিৎসা শাখাৰ অভিযানকাৰী দলটোৱে মহানগৰ আৰক্ষীৰ সহযোগত মহানগৰীৰ বি কে কাকতি পথ, উলুবাৰী, চেৰাপভাটি, ফটাশিল আমবাৰীৰ গুৱাহাটী পৌৰ নিগমৰ বজাৰ, লাল গণেশ, লখৰা, এ কে আজাদ পথ, কলনি বজাৰ আৰু ফটাশিল আমবাৰী আদি অঞ্চলত চলাই এই অভিযান ৷
লগতে পঢ়ক : GMC drive against unathorised meat vendors : মহানগৰীত ২৫৯ খন মাংসৰ আৰু মাছৰ দোকান উচ্ছেদ
অভিযানত গুৱাহাটী পৌৰ নিগমৰ পশু চিকিৎসা শাখাৰ অভিযানকাৰী দলেটোৱে অস্বাস্থ্যকৰ পৰিৱেশত নীতি বহিঃভূত ভাৱে মাছ-মাংস আৰু শাক-পাচলি বিক্ৰী কৰা ব্যৱসায়ীৰ পৰা ১০,০০০ টকাৰ জৰিমণা আদায় কৰে । লগতে ১৫০ কিলোগ্ৰাম ছাগলীৰ মাংস, ১০০ কিলোগ্ৰাম হাঁহ কুকুৰাৰ মাংস, ২৫০ কিলোগ্ৰাম মাছ আৰু ৬০০ কিলোগ্ৰাম শাক-পাচলি পাচলি জব্দ কৰে ।
উল্লেখ্য যে, মঙলবাৰৰ দিনটোত পৌৰ নিগমৰ ট্ৰেড লাইচেঞ্চ নোহোৱাকৈ অবৈধভাব ব্যৱসায়ী চলাই থকা ৪০০ খন মাছ-মাংস আৰু শাক-পাচলিৰ দোকান উচ্ছেদ (GMC evicted unathorised fish meat and vegetable shops) কৰে ৷ সংবাদ মাধ্যমৰ আগত এই কথা সদৰি কৰে, গুৱাহাটী পৌৰ নিগমৰ পশু চিকিৎসা শাখাৰ পশু চিকিৎসা বিষয়া প্ৰদীপ মেধিয়ে ৷
লগতে পঢ়ক : Shortage of man power in GMC : মহানগৰ পৰিষ্কাৰ কৰি ৰাখিবলৈ সৃষ্টি হৈছে সমস্যা
