গুৱাহাটী,12 নৱেম্বৰ : পোহৰৰ উৎসৱ দীপাৱলীলৈ মাজত মাথো এটা দিন বাকী । কৰ’ণাসৃষ্ট পৰিৱেশৰ মাজতে দীপাৱালী উদযাপনৰ বাবে সাজু হৈছে মহানগৰবাসী । বৃহস্পতিবাৰে গুৱাহাটীৰ ফাঁচীবজাৰত যথেষ্ট সংখ্যক লোকৰ সমাগম হোৱা দেখিবলৈ পোৱা গৈছে । সকলোৱে দীপাৱলীৰ সা-সামগ্ৰী ক্ৰয় কৰিবলৈ বজাৰত ভিৰ কৰিছে ৷
ৰংগোলী, নানা ধৰণৰ চাকি, বিভিন্ন পূজাৰ সামগ্ৰী উপলব্ধ হৈছে ফাঁচীবজাৰত। অৱশ্যে পূৰ্বৰ তুলনাত এইবাৰ গ্ৰাহকৰ সংখ্যা কম বুলি বিক্ৰেতাসকলে জানিবলৈ দিয়ে । ইয়াৰ লগে লগে সামগ্ৰীৰ মূল্যও কিছু বৃদ্ধি হৈছে ।
দীপাৱলীৰ বাবে মহানগৰীৰ ফাঁচীবজাৰত গ্ৰাহকৰ ভিৰ
কৰ’ণা মহামাৰীৰ প্ৰকোপৰ বাবেই বিহু, ঈদ, পূজাৰ লেখীয়াকৈ দীপাৱলীৰ আনন্দও ম্লান পৰা পৰিলক্ষিত হৈছে । ইফালে পূৰ্বৰ দৰে এইবেলি বজাৰত নাই কোনো চীনা সামগ্ৰী ৷
লগতে পঢ়ক : এগৰাকী চতুৰ্থ বৰ্গৰ কৰ্মচাৰীৰে চলিছে উমৰাংচুৰ এটি গুৰুত্বপূৰ্ণ কাৰ্যালয়
