গুৱাহাটী, 11 ডিচেম্বৰ : নতুন দিল্লীত বুধবাৰে উন্মোচন কৰা হয় দেশৰ উচ্চতম ন্যায়ালয়ৰ প্ৰাক্তন মুখ্য ন্যায়াধীশ তথা বৰ্তমানৰ ৰাজ্যসভাৰ সাংসদ ৰঞ্জন গগৈ (Former Chief Justice of India Ranjan Gogoi)ৰ আত্মজীৱনী 'Justice for the Judge' ৷ এই আত্মজীৱনীত বহু চৰ্চিত বিষয়ৰ লগতে প্ৰাক্তন মুখ্যমন্ত্ৰী প্ৰয়াত তৰুণ গগৈৰ প্ৰসংগও সন্নিৱিষ্ট কৰা হৈছে । যাক লৈ প্ৰতিক্ৰিয়া প্ৰকাশ কৰিছে প্ৰয়াত তৰুণ গগৈৰ পুত্ৰ সাংসদ গৌৰৱ গগৈয়ে (Reaction on Gaurav Gogoi on Ranjan Gogoi's Autobiography) ।
তেওঁ কয় যে, এটা গোচৰ সন্দৰ্ভত প্ৰাক্তন মুখ্যমন্ত্ৰী প্ৰয়াত তৰুণ গগৈয়ে ৰঞ্জন গগৈৰ পৰা ব্যক্তিগত সহায় বিচাৰিছিল বুলি গ্ৰন্থখনত উল্লেখ কৰা হৈছে । এইক্ষেত্ৰত তেওঁ দেশৰ মুখ্য ন্যায়াধীশ আৰু ৰাজ্যসভাৰ সাংসদ হিচাপে ৰঞ্জন গগৈৰ ৰেকৰ্ডৰ প্ৰসংগ উল্লেখ কৰে ।
ৰঞ্জন গগৈয়ে তৰুণ গগৈ জীয়াই থকাৰ সময়ত একো কথা উল্লেখ নকৰিলে বুলিও গৌৰৱ গগৈয়ে সদৰি কৰে ৷ লগতে তেওঁ কয় যে, যিমান অভিযোগ আনিলেও তৰুণ গগৈৰ প্ৰতি থকা ৰাইজৰ শ্ৰদ্ধা আৰু সন্মান সদায়ে অটুট থাকিব ।
গৌৰৱ গগৈয়ে কয় যে, বহু কষ্ট কৰি তৰুণ গগৈয়ে ৰাষ্ট্ৰীয় নাগৰিকপঞ্জী কৰালে, যদিও বৰ্তমানৰ চৰকাৰখনে স্বীকাৰ কৰি লোৱা নাই এই কথা । এইক্ষেত্ৰত ৰঞ্জন গগৈয়ে একো কথা নকৈ অসমৰ বৰ্তমানৰ মুখ্যমন্ত্ৰীগৰাকীক শুভেচ্ছা জনাই আয়কৰ বিশেষজ্ঞ হিচাপে স্বীকৃতি দিছে ।
মুখ্যমন্ত্ৰীৰ পৰিয়ালৰ নামত বিশাল মাটি আৰু বহু কোম্পানী থকাৰ প্ৰসংগ উল্লেখ কৰি কয় যে, তেওঁ কেতিয়াও নিজৰ পৰিয়ালৰ নামত অসমত মাটি ক্ৰয় নকৰে আৰু কোম্পানী নোখোলে । বৃহস্পতিবাৰে তেওঁ এই ব্যক্তিগত সিদ্ধান্ত ৰাজহুৱা কৰে । তদুপৰি তেওঁ মুখ্যমন্ত্ৰীৰ পৰিয়ালৰ বিৰুদ্ধে উত্থাপন হোৱা অভিযোগ সন্দৰ্ভত মুখ্যমন্ত্ৰীক স্পষ্টীকৰণ দিয়াৰ বাবে আহ্বান জনায় ।
লগতে পঢ়ক : Covid 19 detact in a women came from london : লণ্ডনৰ পৰা গুৱাহাটীলৈ অহা মহিলাৰ দেহত ক'ভিড 19
