গুৱাহাটী, 24 ছেপ্টেম্বৰঃ কৃষ্ণচূড়াৰ নগৰীত এতিয়া বলিছে নিৰ্বাচনী গৰম বতাহ । মঙলবাৰে গুৱাহাটী বিশ্ববিদ্যালয়ত অনুষ্ঠিত হৈছে ছাত্ৰ একতা সভাৰ নিৰ্বাচনৰ ভোটগ্ৰহণ প্ৰক্ৰিয়া । যাক লৈ শিক্ষাৰ্থী আৰু প্ৰাৰ্থীৰ মাজত দেখা পোৱা গৈছে ব্যাপক উৎসুকতা ৷ মুঠ ১৪ টা পদৰ বাবে অনুষ্ঠিত হৈছে ছাত্ৰ একতা সভাৰ এই নিৰ্বাচন। ইতিমধ্যে বিনা প্ৰতিদ্বন্দিতাৰে নিৰ্বাচিত হৈছে উপ-সভাপতি পদৰ প্ৰাৰ্থী লক্ষজিৎ দাস ।
ইতিমধ্যে নিৰ্বাচনত মূল প্ৰতিদ্বন্দিতা হিচাপে গণ্য কৰা হৈছে আছু আৰু এবিভিপিক । অৱশ্যে সভাপতি পদৰ বাবে হ'ব ত্ৰিকোণীয় যুঁজ । সভাপতি পদৰ প্ৰাৰ্থিত্ব আগবঢ়াইছে আছুৰ অনুৰাগ কল্যাণ বৰগোঁহাই, এবিভিপিৰ শ্ৰেষ্ঠ কৃষ্ণণ দত্ত, ছাত্ৰ মুক্তি সংগ্ৰাম সমিতিৰ সিদ্ধাৰ্থ পাটৰে । আনহাতে সাধাৰণ সম্পাদকৰ পদৰ প্ৰতিদ্বন্দিতা আগবঢ়াইছে আছুৰ হিমাদ্ৰী শৰ্মা, এবিভিপিৰ মুন তালুকদাৰ, নিৰ্দলীয় আব্দুল মটিন খানে ৷
ইপিনে সহকাৰী সাধাৰণ সম্পাদক পদত আছে ডলী কুইন বসুমতাৰী, আছুৰ তৃষ্ণা বৰ্মন ৷ সাংস্কৃতিক সম্পাদক পদত প্ৰতিদ্বন্দিতা আগবঢ়াইছে আছুৰ বিদিশা সাহা আৰু সৌৰভ সাহাই । মুঠৰ ওপৰত সকলোৰে আশা বিশ্ববিদ্যালয়ৰ শৈক্ষিক বাতাৱৰণ অক্ষুন্ন ৰখাৰ লগতে ছাত্ৰ-ছাত্ৰীসকলৰ সমস্যা সমূহ সমাধান কৰা ।
