গুৱাহাটী, 25 জুন : মহানগৰীত ক্ৰমাৎ বৃদ্ধি হৈছে নাৰীজনিত অপৰাধৰ ঘটনা (Crime case in Guwahati) ৷ মহানগৰীৰ পাঞ্জাবাৰীত জঘন্য ঘটনা সংঘটিত হৈছে ৷ পিষ্টল দেখুৱাই এগৰাকী যুৱতীক গেষ্ট হাউছত চাৰি যুৱকে দলবদ্ধ ধৰ্ষণ কৰাৰ অভিযোগ উত্থাপন হৈছে (Gang rape case at Punjabari) ৷
ঘটনা অনুসৰি বৃহস্পতিবাৰে নিশা পাঞ্জাবাৰীৰ ফখৰুদ্দিন আলী আহমেদ পথত থকা এটা গেষ্ট হাউছত বিকাশ গগৈ (৩৩) নামৰ এগৰাকী যুৱকে ভুক্তভোগী যুৱতীগৰাকীক নিশাৰ আহাৰ গ্ৰহণ কৰিবলৈ নিমন্ত্ৰণ জনাইছিল ৷ নৈশ আহাৰ গ্ৰহণৰ সময়ত যুৱকজনৰ তিনিজন বন্ধুও গেষ্ট হাউছত তেওঁলোকৰ সৈতে আহাৰ গ্ৰহণ কৰিছিল ৷ ইয়াৰ পিছতে বিকাশে যুৱতীগৰাকীক পিষ্টলেৰে গুলীওৱাৰ ভাবুকি দলবদ্ধ ধৰ্ষণ কৰে ৷
এই জঘন্য ঘটনাৰ পিছতে যুৱতীগৰাকীয়ে দিছপুৰ আৰক্ষী চকীত চাৰি অভিযুক্তৰ ১৫৭২/২২ নম্বৰত বিৰুদ্ধে গোচৰ ৰুজু কৰে ৷ দিছপুৰ আৰক্ষীয়ে পাঞ্জাবাৰীৰ ফখৰুদ্দিন আলী আহমেদ পথত থকা গেষ্ট হাউছৰ পৰা বিকাশ গগৈক আটক কৰিবল সক্ষম হৈছে ৷ আৰক্ষীয়ে গগৈৰ পৰা ৯ এম এম পিষ্টল আৰু ৪ জাই সক্ৰিয় গুলি সহ এটা মেগাজিন জব্দ কৰিছে । ইতিমধ্যে আৰক্ষীয়ে এই ঘটনা সংঘটিত কৰা আন তিনিজন যুৱককো আটক কৰিছে (4 accused arrested ) ।
জানিব পৰামতে ভুক্তভোগী যুৱতীগৰাকী আৰু অভিযুক্ত গগৈ লখিমপুৰৰ বাসিন্দা ৷ সম্প্ৰতি ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে ৷
লগতে পঢ়ক:কামপুৰত যুৱকৰ কামনাৰ বলি 50ৰ উৰ্ধৰ মহিলা
