গুৱাহাটী, ১ জুলাই : ৰাজ্যত বর্তমানেও বানৰ বিভীষিকা অব্যাহত আছে (Assam Flood 2022) । এতিয়াও বানত বুৰ গৈ আছে ৰাজ্যৰ ২৫খন জিলা । চৰকাৰী তথ্য মতে, ২,৬০৮খন ৰাজহ গাঁৱৰ ৩০ লাখ লোকে বাঢ়নী পানীৰ সৈতে সহৱস্থান কৰিবলগীয়া হৈছে (More than 30 lakhs people affected in Assam flood) । ইয়াৰে ৩ লাখৰো অধিক লোকে প্রশাসনে স্থাপন কৰা ৫৫১ টা আশ্রয় শিবিৰত আশ্রয় গ্ৰহণ কৰি আছে । ইফালে ৰাজ্যৰ বিভিন্ন প্ৰান্তত সাহাৰ্য সামগ্ৰী বিতৰণৰ বাবে ৩৫৫ টা শিবিৰ স্থাপন কৰা হৈছে (355 relief camp here in Assam)।
এই শিবিৰসমূহৰ যোগেদি বানাক্ৰান্তক প্ৰয়োজনীয় খাদ্য-সামগ্ৰীৰ যোগান ধৰা হৈছে । চৰকাৰে বানাক্ৰান্তক প্ৰয়োজনীয় সকলো সামগ্ৰীৰ যোগান ধৰাৰ বাবে জিলা উপায়ুক্তসকলক কঠোৰ নিৰ্দেশ প্ৰদান কৰিছে । ইফালে মন্ত্রীসকলকো বানাক্ৰান্ত জিলাসমূহৰ পৰিস্থিতিৰ বুজ লোৱাৰ বাবে দায়িত্ব দিয়া হৈছে । কিন্তু চৰকাৰৰ বিশেষকৈ মুখ্যমন্ত্রী হিমন্ত বিশ্ব শৰ্মাৰ কঠোৰ নিৰ্দেশ আৰু ব্যৱস্থাপনাৰ পাছতো (Himanta Biswa strictly orders to help flood sufferer)বানাক্ৰান্ত ৰাইজে প্ৰয়োজনীয় সাহায্য নোপোৱাৰ অভিযোগ উত্থাপন হৈছে । বিশেষকৈ বহু অঞ্চলত কোনো ধৰণৰ সাহাৰ্য সামগ্ৰী লাভ কৰা নাই বানাক্ৰান্ত ৰাইজে । আনকি এটুপি খোৱাপানীৰ বাবে ৰাইজে হাহাকাৰ কৰিবলগীয়া হৈছে ।
চৰকাৰী তথ্য মতে, বিগত ২৪ ঘণ্টাত বানাক্ৰান্ত ৰাইজৰ বাবে সাহায্য সামগ্ৰী হিচাপে ৭,৯৩৮ কুইণ্টল চাউল, ৮৬১ কুইণ্টল দাইল, ২১০ কুইণ্টল নিমখ আৰু ২০,৩৪৫ লিটাৰ মিঠাতেল যোগান ধৰা হৈছে । চৰকাৰী তথ্য মতেই বানৰ কবলত আছে ৩০ লাখ লোক । সেই হিচাপত ৭,৯৩৮ কুইণ্টল চাউল বিতৰণ কৰিলে জনে প্ৰতি লাভ কৰিব ২৬৫ গ্ৰাম চাউল । আনহাতে, লাভ কৰিব ০.০২৮৭ কিলোগ্ৰাম দাইল, ০.০০৭ কিলোগ্ৰাম নিমখ আৰু ০.০০৬৮ লিটাৰ মিঠাতেল । চৰকাৰী এই হিচাপৰ দ্বাৰা সহজতে অনুমান কৰিব পাৰি যে চৰকাৰী সাহাৰ্যৰ দ্বাৰা বানাক্ৰান্ত ৰাইজ কিদৰে উপকৃত হৈছে । মুখ্যমন্ত্রীয়ে জিলা উপায়ুক্তসকলক হাত খুলি বান সাহাৰ্য দিয়াৰ বাবে কঠোৰ নিৰ্দেশ দিছে (Chief Minister issued strict instructions to DCs) ।
কিন্তু বাস্তৱ ক্ষেত্রত প্ৰয়োজনীয় খাদ্য সামগ্ৰীৰ যোগান ধৰা হোৱা নাই । বানাক্ৰান্ত লোকসকলক সকাহ দিয়াৰ ক্ষেত্রত চৰকাৰ সম্পূৰ্ণৰূপে ব্যৰ্থ হৈছে । যাৰবাবেই বানাক্ৰান্তৰ মাজত হাহাকাৰ পৰিস্থিতিৰ সৃষ্টি হৈছে । বানত সৰ্বহাৰা হোৱা লোকসকলৰ মাজত এতিয়া অভাৱ-অনাটন । শিশু খাদ্যৰ কথা দূৰৈৰে । চৰকাৰে দেখাত সকলো ধৰণৰ ব্যৱস্থা গ্ৰহণ কৰাৰ কথা কৈছে যদিও বাস্তৱ ক্ষেত্রত চৰকাৰী সাহাৰ্যৰ পৰা বঞ্চিত হৈ আছে লাখ লাখ বানাক্ৰান্ত লোক । ইফালে বহু ভিতৰুৱা অঞ্চলত আনকি যোগাযোগ বিচ্ছিন্ন হৈ লাখ লাখ লোকে জীৱন মৃত্যুৰে যুঁজ দি থাকিবলগীয়া হৈছে ।
বান পৰিস্থিতি ক্ৰমাৎ অধিক জটিল হৈ পৰিছে । উল্লেখ্য যে চুবুৰীয়া ভূটান আৰু অৰুণাচলৰ লগতে অসমতো ঠায়ে ঠায়ে ধাৰাষাৰ বৰষুণ অব্যাহত থকাত ফেনে-ফুটুকাৰে ওফন্দি উঠিছে ব্ৰহ্মপুত্ৰৰ লগতে উপনৈসমূহো । বিশেষকৈ ভূটানৰ পানীয়ে নামনি অসমৰ বজালী, চিৰাং, বৰপেটা আদি জিলাত ত্ৰাসৰ সৃষ্টি কৰিছে । ইফালে অৰুণাচলৰ পানীয়ে লখিমপুৰ, ধেমাজি আৰু বিশ্বনাথ জিলাৰ বিভিন্ন স্থানত সংহাৰ অব্যাহত ৰাখিছে ।
বেঁকী নৈ, কপিলী নৈ, বুঢ়ীদিহিং আৰু ব্ৰহ্মপুত্ৰৰ জলস্তৰো বিপদসীমাৰ ওপৰেৰে বৈ আছে (water level of Brahmaputra flowing above danger mark) । এতিয়াও বানত বুৰ গৈ আছে ৰাজ্যৰ ২৫খন জিলা । চৰকাৰী তথ্য মতে, ২,৬০৮খন ৰাজহ গাঁৱৰ ৩০ লাখ লোকে বাঢ়নী পানীৰ সৈতে সহৱস্থান কৰিবলগীয়া হৈছে । ইয়াৰে ৩ লাখৰো অধিক লোকে প্রশাসনে স্থাপন কৰা আশ্রয় শিবিৰত আশ্রয় গ্ৰহণ কৰি আছে (More than 3 lakh people in shelter camps) ।
বিগত ২৪ ঘণ্টাত ৰাজ্যত পুনৰ ৮জন লোকৰ বানত মৃত্যু হৈছে । বানত মৃত্যু হোৱাসকলৰ ভিতৰত তিনিটি শিশুও আছে । বৰপেটাত এটি শিশুৰ বানত সলিল সমাধি ঘটাৰ বিপৰীতে লখিমপুৰ আৰু নগাঁৱত শিশুসহ দুজনকৈ লোকৰ মৃত্যু হৈছে । তদুপৰি বিশ্বনাথ,ধেমাজি আৰু মৰিগাঁৱতো এজনকৈ লোকে বানত মৃত্যুক সাৱটি লৈছে ।
কাছাৰত বানত উটি যোৱা এজন লোক আজিও সন্ধানহীন হৈ আছে । এইপর্যন্ত ৰাজ্যত বান আৰু ভূমিস্খলনত মৃত্যু হোৱা লোকৰ সংখ্যা ১৫৯জনলৈ বৃদ্ধি পাইছে । ইফালে বতৰ বিজ্ঞান কেন্দ্ৰই ২ জুলাই পর্যন্ত ৰাজ্যৰ বিভিন্ন স্থানত ধাৰাষাৰ বৰষুণ অব্যাহত থকাৰ সতৰ্কীকৰণ জাৰি কৰিছে । বৰষুণৰ বাবে ব্ৰহ্মপুত্ৰৰ জলপৃষ্ঠ বৃদ্ধি পোৱাৰ পৰিপ্ৰেক্ষিতত লুইতত ফেৰী চলাচলত নিষেধাজ্ঞা আৰোপ কৰা হৈছে । ৰাজ্যৰ এনে ভয়াৱহ বান পৰিস্থিতিৰ পাছতো কেন্দ্ৰীয় চৰকাৰে বিষয়টোক গুৰুত্ব সহকাৰে লোৱা নাই । এতিয়ালৈকে বানত ককবকাই থকা লাখ লাখ লোকক সকাহ দিয়াৰ বাবে কোনো ধৰণৰ ব্যৱস্থা গ্ৰহণ কৰা নাই ।
লগতে পঢ়ক :বান পৰিস্থিতিৰ বুজ ল’বলৈ শনবিললৈ মুখ্যমন্ত্রী: সষ্টম প্ৰশাসন
