ঐতিহ্যমণ্ডিত লতাশিল খেলপথাৰত অনুষ্টুপীয়াকৈ পতাকা উত্তোলন কাৰ্যসূচী

সোমবাৰে ঐতিহ্যমণ্ডিত লতাশিল খেলপথাৰত অনুষ্টুপীয়াকৈ অনুষ্ঠিত কৰা হয় ৰঙালী বিহুৰ পতাকা উত্তোলন কাৰ্যসূচী । পতাকা উত্তোলনৰ সময়ত সম্পূৰ্ণ সামাজিক দূৰত্ব বজাই সদস্যসকলে এই কাৰ্যসূচীত অংশগ্ৰণ কৰে ।

গুৱাহাটী, 13 এপ্ৰিলঃ সমগ্ৰ বিশ্বতে এতিয়া COVID-19ৰ আতংক । এই ভাইৰাছৰ শংকাত গৃহবন্দী হৈ আছে ৰাইজ । ইয়াৰ মাজতে সোমবাৰৰ পৰা আৰম্ভ হৈছে অসমীয়াৰ বাপতিসাহোন ৰঙালী বিহু । সোমবাৰে গৰু বিহুৰ দিনা ঐতিহ্যমণ্ডিত লতাশিল খেলপথাৰত অনুষ্টুপীয়াকৈ অনুষ্ঠিত কৰা হয় ৰঙালী বিহুৰ পতাকা উত্তোলন কাৰ্যসূচী । কেন্দ্ৰ তথা ৰাজ্য চৰকাৰে কৰ'ণা ভাইৰাছৰ সংক্ৰমণৰ পৰা দেশবাসীক ৰক্ষা কৰাৰ বাবে জনসমাবেশত বাধা আৰোপ কৰাৰ ফলত, এইবাৰ ৰঙালী বিহুক লৈ ৰাইজৰ মাজত নাই পূৰ্বৰ উচাহ । যাৰ বাবে লতাশিল খেলপথাৰত গুৱাহাটী বিহু সন্মিলনীয়ে কম সংখ্যক লোকৰ উপস্থিতিত পতাকা উত্তোলন কৰিয়ে বিহু উদযাপন কৰিলে । পুৱা প্ৰায় ১০ বজাত গুৱাহাটী বিহু সন্মিলনীৰ সদস্য সকলে, লতাশিল খেলাপথাৰত উপস্থিত হৈ ধূপ-ধুনা দি, চাকি জ্বলাই পতাকা উত্তোলন কৰি, বিহু সন্মিলনীৰ ৬৯ সংখ্যক বিহু উদ্ধোধন কৰে । উল্লেখ্য যে, পতাকা উত্তোলনৰ সময়ত সম্পূৰ্ণ সামাজিক দূৰত্ব বজাই সদস্যসকলে এই কাৰ্যসূচীত অংশগ্ৰণ কৰে ।

লগতে পঢ়কঃ লক ডাউনৰ মাজতে পৰম্পৰাগতভাৱে উদযাপন গৰু বিহু