গুৱাহাটী, 12 নৱেম্বৰ : উচ্চতৰ মাধ্যমিকৰ ২০২২ বৰ্ষৰ চূড়ান্ত পৰীক্ষাত অৱতীৰ্ণ হ'বলগীয়া শিক্ষাৰ্থী সকলৰ বাবে অসম উচ্চতৰ মাধ্যমিক শিক্ষা সংসদে জাৰি কৰিছে বিশেষ জাননী । উচ্চতৰ মাধ্যমিক চূড়ান্ত পৰীক্ষাত অৱতীৰ্ণ হ'বলগীয়া শিক্ষার্থীৰ পৰীক্ষা আৰু কেন্দ্ৰৰ মাচুল ৰেহাই দিছে ৰাজ্য চৰকাৰে । চৰকাৰী, প্ৰাদেশীকৃত অথবা স্বীকৃতিপ্ৰাপ্ত শিক্ষানুষ্ঠানৰ পৰা উচ্চতৰ মাধ্যমিক চূড়ান্ত পৰীক্ষাত অৱতীৰ্ণ হোৱা শিক্ষার্থী সকলেহে এই মাচুল ৰেহাই পাব ।
লগতে পঢ়ক : তিনি মাহত ক’ভিডত মৃত্যু হোৱা লোকৰ 72 শতাংশই লোৱা নাছিল ভেকচিন
আনহাতে, এই ৰেহাইৰ ক্ষেত্ৰত শিক্ষার্থী সকলৰ পৰিয়ালৰ উপার্জন বছৰি ২ লাখ টকাৰ অধিক হ’ব নোৱাৰিব । পৰিয়ালৰ উপাৰ্জন ২ লাখ টকাৰ কম থকা শিক্ষাৰ্থী সকলে এই সুবিধা লাভ কৰিব । বিগত বৰ্ষৰ দৰে এই বছৰো শিক্ষানুষ্ঠান সমূহৰ মুৰব্বী সকলক নিৰ্দেশনা সমূহ অনুসৰণ কৰিবলৈ অসম উচচতৰ মাধ্যমিক শিক্ষা সংসদে নিৰ্দেশ জাৰি কৰিছে ।
লগতে পঢ়ক : লখিমপুৰ খেৰীৰ ঘটনা:১৫ নৱেম্বৰলৈ শুনানি স্থগিত উচ্চতম ন্যায়ালয়ৰ
