গুৱাহাটী,7 মে’ঃ মহানগৰীৰ ভূতনাথ বাঁহৰ বজাৰ আৰু পুৰণি ছাগলী বজাৰত বুধবাৰে উচ্ছেদ অভিযান চলালে গুৱাহাটী পৌৰ নিগমে ৷ অঞ্চলদুটাৰ অবৈধ গৃহসমূহত চলে প্ৰশাসনৰ বুলড’জাৰ ৷ দীৰ্ঘদিনৰ পৰা উক্ত অঞ্চল দুটাত অবৈধভাৱে গঢ়ি উঠিছিল একাংশ লোকৰ বসতি ৷
উচ্ছেদ অভিযান
উল্লেখ্য যে, এই স্থানৰ সমীপতে বৰ্তমান নিৰ্মাণৰত অৱস্থাত আছে মহাবাহু ব্ৰহ্মপুত্ৰৰ ওপৰত এখন নতুন দলং ৷ এছ পি চিংলাৰ নেতৃত্বত চলা দলঙখনৰ নিৰ্মাণত অবৈধ বজাৰসমূহে যথেষ্ঠ বাধাৰ সৃষ্টি কৰিছিল ৷ ২০২৩ চনত সম্পূৰ্ণ হোৱাকৈ নিৰ্মাণকাৰ্য চলোৱা দলঙখনৰ নিৰ্মাণৰ গতিত যাতে কোনো বাধা নাহে সেইবাবে উচ্ছেদ চলোৱা বুলি পৌৰ নিগমৰ বিষয়া প্ৰদীপ মেধিয়ে প্ৰকাশ কৰে । বুধবাৰে চলোৱা উচ্ছেদৰ ফলত প্ৰায় নটা পৰিয়াল গৃহহাৰা হয় ৷
লগতে চাওকঃ গুৱাহাটীত উপস্থিত বহিঃৰাজ্যত আৱদ্ধ অসমৰ লোক
