লক্​ ডাউনৰ মাজতে মহানগৰীৰ 5 খনকৈ দোকানত চোৰৰ সন্ত্ৰাস

চোৰৰ দলে চাফাই অভিযান চলাই বশিষ্ঠৰ প্ৰায় ৫ খনকৈ দোকান লুটি নিলে চোৰে ৷

গুৱাহাটী, 7 মেঃ লক্​ ডাউনৰ মাজতে বৃহস্পতিবাৰে পুৱতি নিশা মহানগৰীৰ বশিষ্ঠৰ অন্তৰ্গত গণেশনগৰত চোৰৰ দলে চাফাই অভিযান চলাই লুটি নিয়ে প্ৰায় ৫ খনকৈ দোকান ৷ দোকান কেইখনৰ সামগ্ৰীসমূহত হাত নিদিয়ে যদিও সম্পূৰ্ণ নগদ ধন লৈ উধাও হয় চোৰৰ দলটো ৷ কবিতা ষ্টোৰ নামৰ এখন সুলভ মূল্যৰ দোকান লণ্ডভণ্ড কৰি চোৰে এডাল মমবাতি জ্বলাই থৈ কাষত কেবাখনো বস্তা পেলাই থৈ যায় ৷

পৰৱৰ্তী সময়ত স্থানীয় ৰাইজে দলটোৰ এটা চোৰক কাৰায়ত্ত কৰিবলৈ সক্ষম হয় যদিও বাকী কেইটা চোৰ পলাই যায় ।