গুৱাহাটী, 16 মে’: মহানগৰীৰ পল্টন বজাৰস্থিত নেপালী মন্দিৰৰ চিটি গোল্ড গিফ্ট কৰ্ণাৰ নামৰ এখন গিফ্টৰ দোকানত পল্টন বজাৰ আৰক্ষীৰ অভিযান । দুপৰীয়া আৰক্ষীয়ে অভিযান চলাই বহু পৰিমাণৰ ভেজাল সামগ্ৰী জব্দ কৰি পৰীক্ষাৰ বাবে প্ৰেৰণ কৰে ৷
গুৱাহাটীত লেকমিৰ নকল সামগ্ৰী !
উল্লেখ্য যে, লেকমি কোম্পানীৰ এগৰাকী কৰ্মীয়ে পল্টন বজাৰ আৰক্ষী চকীত গোচৰ ৰুজু কৰাৰ পিচতে পল্টন বজাৰ আৰক্ষীয়ে লেকমি কোম্পানীৰ কৰ্মীজনক লগত লৈ দোকানখনত অভিযান চলাই বহু পৰিমাণৰ লেকমিৰ সামগ্ৰী উদ্ধাৰ কৰি পৰীক্ষাৰ বাবে প্ৰেৰণ কৰিছে সামগ্ৰীখিনি ৷
ইপিনে বিক্ৰী কৰি থকা সামগ্ৰী সমূহৰ বহুখিনি চীনৰ সমগ্ৰী বুলি স্পষ্টকৈ উল্লেখ কৰে দোকানখনৰ স্বতাধিকাৰীজনে । আনহাতে মহানগৰীৰ বিভিন্ন স্থানত এনে সামগ্ৰী বিক্ৰী হৈ আছে বুলিও মন্তব্য কৰে ৷ পৰৱৰ্তী সময়তে আৰক্ষীয়ে কি ভূমিকাগ্ৰহণ কৰে লক্ষ্যণীয় হ’ব ৷
