গুৱাহাটী, 4 মে’ : মহানগৰীৰ কাহিলিপাৰাত ভয়ংকৰ ঘটনা । অসম সৰ্বশিক্ষা অভিযান মিছনৰ কাৰ্যালয়(Assam Sarva Shiksha Abhiyan office)ৰ সন্মুখত এই অঘটন । মঙলবাৰে পুৱতি নিশা প্ৰায় 2.36 বজাত এখন ডাম্পাৰে মহতিয়াই নিয়ে অসম সৰ্বশিক্ষা অভিযান মিছন কাৰ্যালয়ৰ মূল প্ৰৱেশদ্বাৰ (Dumper rams into front gate of Assam sarva shiksha abhiyan office) ।
জানিব পৰা মতে, AS 15 AC 3305 নম্বৰৰ এখন ডাম্পাৰে নিয়ন্ত্ৰণ হেৰুৱাই গেট ভাঙি কাৰ্যালয়ৰ ভিতৰলৈ সোমাই যায় (Speeding dumper ends up inside sarva siksha abhijan office) । ফলত ভাগি পৰে অসম সৰ্বশিক্ষা অভিযান মিছন কাৰ্যালয়ৰ মূল প্ৰৱেশদ্বাৰ ৷ তথ্য অনুসৰি, জি এম চি পাহাৰৰ পৰা নামি আহোতে সংঘটিত হয় এই ভয়ংকৰ পথ দুৰ্ঘটনাটো ৷
কেৱল অসম সৰ্বশিক্ষা অভিযান মিছনৰ কাৰ্যালয়ৰ মূল প্ৰৱেশদ্বাৰে নহয়, নিয়ন্ত্ৰণ হেৰুৱাই ডাম্পাৰখনে যুটীয়া সঞ্চালকৰ কাৰ্যালয়ত সোমাই চাৰিখনকৈ বাহন মহতিয়াই লৈ যায় । অসম সৰ্বশিক্ষা অভিযান মিছনৰ কাৰ্যালয়ৰ সন্মুখত সংঘটিত হোৱা এয়াই প্ৰথমটো দুৰ্ঘটনা নহয়, পূৰ্বেও সংঘটিত হৈছে অনুৰূপ ঘটনা ৷
ইয়াৰ পূৰ্বে এনেধৰণৰ কেইবাটাও ঘটনা সংঘটিত হৈ হোৱাৰ কথা সংবাদ মাধ্যমৰ আগত সদৰি কৰিছে স্থানীয় লোকে ৷ ৰাইজৰ অভিযোগ, জি এম চি পাহাৰৰ পৰা নামি অহা পথচোৱা এঢলীয়া হোৱাৰ বাবেই সঘনাই এই স্থানত দুৰ্ঘটনা সংঘটিত হৈ আহিছে ৷ সেয়ে দুৰ্ঘটনাপ্ৰৱণ এই স্থানত হয় স্পীডব্ৰেকাৰ, নহ’লে ট্ৰেফিক পুলিচৰ ব্যৱস্থা কৰিব লাগে বুলি দাবী কৰে স্থানীয় লোকসকলে ৷
লগতে পঢ়ক : Road accident in Udalguri: ওদালগুৰিত সংঘটিত ভয়ংকৰ পথ দুৰ্ঘটনা
