পল্টন বজাৰত ড্ৰাগছসহ চাৰিজন গ্ৰেপ্তাৰ

পল্টন বজাৰৰ সাগৰ ৰত্ন কমপ্লেক্সৰ হীৰালাল জুৱেলাৰীৰ পৰা ক্ৰাইম বাঞ্চে জব্দ কৰে ড্ৰাগছখিনি ৷ ড্ৰাগছখিনিৰ বজাৰ মূল্য প্ৰায় ৬ লাখ টকা বুলি জানিব পৰা গৈছে ৷

গুৱাহাটী, 27 মে’ : গুৱাহাটীৰ পল্টন বজাৰত বৃহস্পতিবাৰে ক্ৰাইম ব্ৰাঞ্চে চলোৱা এক অভিযানত জব্দ হৈছে বৃহৎ পৰিমাণৰ ড্ৰাগছ ৷ পল্টন বজাৰৰ সাগৰ ৰত্ন কমপ্লেক্সৰ হীৰালাল জুৱেলাৰীৰ পৰা ক্ৰাইম বাঞ্চে জব্দ কৰে ড্ৰাগছখিনি ৷ সোণাৰী দোকানৰ গইনা লৈ দীৰ্ঘদিনৰ পৰা ড্ৰাগছ বিক্ৰী কৰি আহিছিল হীৰালাল জুৱেলাৰীয়ে ৷

জব্দ কৰা ড্ৰাগছখিনিৰ বজাৰ মূল্য প্ৰায় ৬ লাখ টকা বুলি জানিব পৰা গৈছে ৷ ঘটনাৰ লগত জড়িত থকাৰ অভিযোগত আৰক্ষীয়ে চাৰিজন লোকক গ্ৰেপ্তাৰ কৰে ৷ গ্ৰেপ্তাৰ কৰা লোককেইজন হৈছে বিনোদ বাৰ্মা, বিশাল সিং, বিপুল মিশ্ৰ আৰু অতুল বেজবৰুৱা ৷

লগতে পঢ়ক : আপোন ঘৰখন হেৰুৱাই হাহাকাৰ ভকত চাপৰিবাসীৰ