গুৱাহাটী,17 জানুৱাৰীঃ গুৱাহাটীত অনুষ্ঠিত হৈ থকা খেল' ইণ্ডিয়াৰ ছোৱালীৰ 21 অনুৰ্ধৰ ফুটবল প্ৰতিযোগিতাৰ গ্ৰুপ Bৰ এখন মেচক লৈ সৃষ্টি হৈছে বিৰ্তকৰ ৷ সোমবাৰে নেহৰু ষ্টেডিয়ামত অনুষ্ঠিত হোৱা দিল্লী আৰু ওড়িশাৰ মাজৰ মেচ খনক লৈ ফুটবল প্ৰেমীৰ মাজত সৃষ্টি হৈছে এই বিৰ্তকৰ ৷ অভিযোগ অনুসৰি,দিল্লীৰ দলটোত নিৰ্ধাৰিত 11 গৰাকী খেলুৱৈৰ পৰিৱৰ্তে 9 গৰাকী খেলুৱৈয়ে মেচ খনত অংশগ্ৰহণ কৰিছিল ৷ ইয়াৰ পাচতে দিল্লী দলটোৰ প্ৰশিক্ষকে ইটিভি ভাৰতৰ আগত এই কথা স্বীকাৰ কৰি কয় যে, 9 গৰাকী খেলুৱৈয়ে এখন মেচ খেলিব নোৱাৰিব বুলি সৰ্বভাৰতীয় ফুটবল ফেডাৰেশ্যন আৰু আন্তঃৰাষ্ট্ৰীয় ফুটবল ফেডাৰেশ্যন সন্থাৰ নিয়মাৱলীৰ কতো উল্লেখ নাই,আৰু সেয়ে এই বিৰ্তক তথা অভিযোগ ভিত্তিহীন ৷ বুধবাৰে দিল্লী আৰু পঞ্জাৱৰ মাজত হোৱা 21 অনুৰ্ধৰ ছোৱালীৰ মেচ খনত জয়যুক্ত হোৱাৰ পাচতে এই কথা প্ৰকাশ কৰে প্ৰশিক্ষক গৰাকীয়ে ৷
কিন্তু গুৰুত্বপূৰ্ণ যে, প্ৰশিক্ষক গৰাকীৰ পৰা সাংবাদিকে এই সন্দৰ্ভত আৰু অধিক কথা জানিব বিচৰাত প্ৰশিক্ষক গৰাকীয়ে ইচ্ছামূলক ভাৱে অধিক কথা প্ৰকাশ কৰাৰ বিৰত থাকিল ৷ লগতে প্ৰশিক্ষক গৰাকীয়ে নিজৰ পৰিচয় আৰু নাম প্ৰকাশ কৰাৰ পৰাও বিৰত থাকিল ৷ উল্লেখযোগ্য যে, দিল্লী আৰু ওড়িশাৰ মাজত হোৱা এই বিৰ্তকিত মেচ খনত ওড়িশাই 10-0 গলৰ ব্যৱধানত দিল্লী পৰাস্ত কৰিবলৈ সক্ষম হৈছিল ৷
লগতে পঢ়ক , "প্ৰচুৰ সম্ভাৱনা থকা অসমৰ বক্সাৰ সকলক লাগে এখন উপযুক্ত প্লেটৰ্ফম"
