গুৱাহাটী, 24 এপ্ৰিল : আজি অৰ্থাৎ দেওবাৰে ঘোষণা কৰা হ’ব বহু প্ৰতীক্ষিত গুৱাহাটী পৌৰ নিগম(GMC election 2022) ৰ নিৰ্বাচনৰ ফলাফল ৷ ইতিমধ্যে পুৱা 8 বজাৰে পৰা গুৱাহাটীৰ মণিৰাম দেৱান ট্ৰেড চেণ্টাৰত আৰম্ভ হৈছে ভোটগণনা প্ৰক্ৰিয়া(Counting of votes for GMC election 2022 begins) ৷
উল্লেখ্য যে, 22 এপ্ৰিলত অনুষ্ঠিত হৈছিল গুৱাহাটী পৌৰ নিগমৰ নিৰ্বাচনৰ ভোটগ্ৰহণ ৷ এই ভোটগণনাক কেন্দ্ৰ কৰি দেওবাৰে পুৱাৰে পৰা প্ৰাৰ্থীসকলে মণিৰাম দেৱান ট্ৰেড চেণ্টাৰত ভিৰ কৰা পৰিলক্ষিত হৈছে ৷ মহানগৰীৰ 757 টা ভোটগ্ৰহণ কেন্দ্ৰত অনুষ্ঠিত হৈছিল নিৰ্বাচনৰ ভোটগ্ৰহণ ৷
গুৱাহাটী পৌৰ নিগমৰ 60 টা ৱাৰ্ডৰ ভিতৰত 57 টা ৱাৰ্ডত ভোটগ্ৰহণ অনুষ্ঠিত হৈছিল ৷ পূৰ্বে বিনা প্ৰতিদ্বন্দ্বিতাৰে বিজেপিয়ে দখল কৰিছিল তিনিটাকৈ ৱাৰ্ড ৷ শুকুৰবাৰে অনুষ্ঠিত হোৱা নিৰ্বাচনত ভোটদানৰ হাৰ আছিল 52.80 শতাংশ ৷ তদুপৰি এইবাৰ প্ৰথমবাৰৰ বাবে ইভিএমত পৌৰ নিগমৰ নিৰ্বাচন অনুষ্ঠিত হৈছিল ৷
এই নিৰ্বাচনত মুঠ 197 গৰাকী প্ৰাৰ্থীয়ে প্ৰতিদ্বন্দ্বিতা আগবঢ়াইছিল । ইয়াৰে ভিতৰত আছিল বিজেপিৰ 50 গৰাকী, মিত্ৰজোঁট অগপৰ 7 গৰাকী, কংগ্ৰেছৰ 54 গৰাকী, আপৰ 38 গৰাকী, এজেপিৰ 25 গৰাকী আৰু চিপিআইএমৰ 4 গৰাকী প্ৰাৰ্থী ।
লগতে চাওক: অভিযোগ-প্ৰতিঅভিযোগৰ মাজতে সম্পন্ন গুৱাহাটী পৌৰ নিৰ্বাচন 2022
