কেবৰ বিৰোধিতাৰে অগপৰ কাৰ্যালয় ঘেৰাও কটনিয়ানৰ

অসম গণ পৰিষদৰ আমবাৰী মুখ্য কাৰ্যালয়ৰ সন্মুখত কটনিয়ানৰ প্ৰতিবাদ । নাগৰিকত্ব সংশোধনী বিধেয়কক সমৰ্থন কৰা অগপ নেতৃত্বক সকীয়নী প্ৰদান কৰি কটনৰ ছাত্ৰসকলে দলটোৰ মুখ্য কাৰ্যালয়ৰ সন্মুখত সাব্যস্ত কৰে উত্তাল-প্ৰতিবাদ ।

গুৱাহাটী,1 ডিচেম্বৰঃ নাগৰিকত্ব সংশোধনী বিধেয়ক সন্দৰ্ভত শেহতীয়াকৈ মিত্ৰদল বিজেপিক সমৰ্থন জনোৱাৰ প্ৰতিবাদত দেওবাৰে কটন ৰাজ্যিক বিশ্ববিদ্যালয়ৰ ছাত্ৰসকলে আমবাৰীস্থিত অসম গণ পৰিষদৰ মুখ্য কাৰ্যালয় ঘেৰাও কাৰ্যসূচী ৰূপায়ণ কৰে ৷ প্ৰতিবাদী ছাত্ৰসকলে মুখ্য কাৰ্যালয়ৰ সন্মুখত অগপৰ তিনি মন্ত্ৰীৰ প্ৰতিমূৰ্তিও দাহ কৰে ৷ প্ৰতিবাদকাৰীসকলে অগপ গ' বেক, অতুল বৰা হায় হায়, কেশৱ মহন্ত মূৰ্দাবাদ আদি ধ্বনিৰে সমগ্ৰ পৰিৱেশ উত্তাল কৰি তোলে ৷

ইফালে প্ৰতিবাদকাৰী কটনিয়ানসকলক লতাশিল আৰক্ষীয়ে আটক কৰি উক্ত স্থানৰ পৰা আঁতৰাই নিয়ে ৷

আৰু পঢ়ক তামুলপুৰৰ গান্ধীবাৰীত বিশ্বজিৎ দৈমাৰীৰ প্ৰতিকৃতি দাহ