গুৱাহাটীত কংগ্ৰেছৰ বিশাল ৰেলী

অন্তিমটো দিনৰ নিৰ্বাচনী প্ৰচাৰত ক্ষমতা প্ৰদৰ্শনৰ বাবে বীৰদৰ্পে ওলাই আহিল কংগ্ৰেছ ৷

গুৱাহাটী, 21 এপ্ৰিল : তৃতীয় পৰ্যায়ৰ নিৰ্বাচনী প্ৰচাৰৰ আজি অন্তিম দিন ৷ অন্তিমটো দিনত জনসাধাৰণৰক আকৃষ্ট কৰাৰ বাবে যথোপৰাণ চেষ্টা বিভিন্ন ৰাজনৈতিক দলৰ ৷ কি কংগ্ৰেছ, কি বিজেপি কোনেও পিছ পৰি থকা নাই নিৰ্বাচনী প্ৰচাৰত ৷

অন্তিম দিনৰ নিৰ্বাচনী প্ৰচাৰত মহানগৰীত কংগ্ৰেছৰ বিশাল ৰেলী ৷ গুৱাহাটী লোকসভা সমষ্টিৰ কংগ্ৰেছৰ প্ৰাৰ্থী ববিতা শৰ্মাৰ সমৰ্থনত বিশাল ৰেলীৰ আয়োজন কৰে কংগ্ৰেছে ৷ ৰেলীত উপস্থিত থাকে কংগ্ৰেছৰ সভপতি ৰিপুণ বৰা, প্ৰাক্তন মন্ত্ৰী অকন বৰাৰ লগতে কংগ্ৰেছৰ ভালেকেইজন নেতা-সদস্য ৷ ৰেলীত বিজেপিক প্ৰতিহত কৰি জনসাধাৰণে কংগ্ৰেছক আদৰি ল'ব বুলি সম্পূৰ্ণ আশাবাদী বুলি মন্তব্য কৰে ৰিপুণ বৰাই ৷