গুৱাহাটী, ২১ অক্টোবৰ: অত্যাৱশ্যকীয় সামগ্ৰীৰ অভাৱনীয় মূল্যবৃদ্ধিৰ প্ৰতিবাদত বৃহস্পতিবাৰে প্ৰদেশ কংগ্ৰেছে ৰাজ্যজুৰি অৱস্থান ধৰ্মঘট কাৰ্যসূচীৰে বিক্ষোভ প্ৰদৰ্শন কৰে । ৰাজ্যৰ বিভিন্ন প্ৰান্তৰ লগতে গুৱাহাটী মহানগৰীতো প্ৰতিবাদী কাৰ্যসূচী ৰূপায়ণ কৰা হয় । প্ৰদেশ কংগ্ৰেছৰ সভাপতি ভূপেন কুমাৰ বৰাৰ আহ্বান ক্ৰমে গুৱাহাটী মহানগৰ জিলা কংগ্ৰেছ কমিটীৰ উদ্যোগত গুৱাহাটী ক্লাৱত প্ৰতিবাদী কাৰ্যসূচী ৰূপায়ণ কৰা হয় । ধাৰাবাহিকভাৱে পেট্ৰ'ল-ডিজেল তথা নিত্য ব্যৱহাৰ্য্য সামগ্ৰীৰ আকাশলংঘী মূল্যবৃদ্ধি, ক্ৰমবৰ্দ্ধমান নিবনুৱা সমস্যা, চিণ্ডিকেটৰাজ আৰু ৰাজহুৱা সম্পদৰ বেচৰকাৰীকৰণৰ প্ৰতিবাদত কংগ্ৰেছে প্ৰতিবাদ সাব্যস্ত কৰে ।
লগতে নাৰীৰ নিৰাপত্তা সুনিশ্চিত কৰা, অৰুণোদয় আঁচনিৰ ধন তিনি হাজাৰ টকা লৈ বৃদ্ধি কৰাৰো দাবী জনায় কংগ্ৰেছে । প্ৰতিবাদী কাৰ্যসূচীত বিধায়ক ৰেকিবুদ্দিন আহমেদ, মিডিয়া বিভাগৰ অধ্যক্ষা ববিতা শৰ্মা, প্ৰাক্তন মেয়ৰ কুশল শৰ্মাকে ধৰি দলৰ ভালে সংখ্যক নেতা-কৰ্মীয়ে অংশ গ্ৰহণ কৰে । প্ৰতিবাদকাৰীসকলে চৰকাৰ বিৰোধী বিভিন্ন শ্ল'গানেৰে ৰাজপথ উত্তাল কৰি তোলে ।
সকলোৱে হাতে হাতে প্লে'কাৰ্ড, ফেষ্টুন আদি লৈ মুল্যবৃদ্ধিৰ বিৰুদ্ধে ব্যাপক প্ৰতিবাদ সাব্যস্ত কৰে । বিধায়ক ৰেকিবুদ্দিন আহমেদে বিজেপি চৰকাৰক কঠোৰ ভাষাৰে সমালোচনা কৰে ।
লগতে পঢ়ক:নিৰ্মীয়মান ধুবুৰী মেডিকেল কলেজৰ চাফাই কৰ্মীৰ পৰিয়ালক 24 ঘণ্টাৰ সময়সীমা প্ৰশাসনৰ
