গুৱাহাটী, 26 ফেব্ৰুৱাৰী : 'বটদ্ৰৱাত অমিত শ্বাহ জিন্দাবাদ ধ্বনি দি গুৰুজনাক অপমান কৰিলে বিজেপিয়ে ৷ শ্ৰীমন্ত শংকৰদেৱে ধৰ্মনিৰপেক্ষ নীতিৰে অসমীয়া সমাজখনক এক গোট কৰি ৰাখিছিল ৷ গুৰুজনাৰ জন্মস্থান পবিত্ৰ বটদ্ৰৱাত অমিত শ্বাহ জিন্দাবাদ, বিজেপি জিন্দাবাদ ধ্বনি দিবলৈ ৰাইজক বাধ্য কৰোৱাই গুৰুজনাক অপমান কৰিলে বিজেপিয়ে ৷'
শুকুৰবাৰে গুৱাহাটী ৰাজীৱ ভৱনত এক সংবাদ মেল সম্বোধন কৰি এইদৰে প্ৰতিক্ৰিয়া প্ৰকাশ কৰিলে কংগ্ৰেছ নেতা তথা সাংসদ প্ৰদ্যুৎ বৰদলৈয়ে ৷ তেওঁ কয়, ২০১৭ চনত অসমৰ বাবে কেন্দ্ৰীয় চৰকাৰে কেইবাখনো গুৰুত্বপূৰ্ণ আঁচনি গ্ৰহণ কৰিছিল ৷ কিন্তু সেই আঁচনিৰ বাবদ কেন্দ্ৰই আজিকোপতি এটকাও আৱণ্টন নকৰিলে ৷ বৰ্তমান বিজেপি চৰকাৰে অসমৰ বান সমস্যা সমাধান, নিৱনুৱা সংস্থাপন আদিৰ বাবে গুৰুত্ব আৰোপ কৰিছে বুলি অমিত শ্বাহে কোৱা কথা কোনো সত্য-সত্যতা নাই বুলি মন্তব্য প্ৰকাশ কৰে প্ৰদ্যুৎ বৰদলৈয়ে ৷
বিজেপিৰ দিনত অসমৰ বিশেষ ৰাজ্যৰ মৰ্যদা কৰ্তন হ'ল। ইফালে টোল গেটৰ জৰিয়তে অসমৰ ৰাইজক টেটু চেপা দিছে বিজেপিয়ে ৷ এইদৰে আজি সংবাদ মেলত সংবাদিকক সম্বোধন কৰি মত প্ৰকাশ কৰে প্ৰদ্যুৎ বৰদলৈয়ে ৷
উল্লেখ্য যে, শুকুৰবাৰে ভাৰত বন্ধলৈও পূৰ্ণ সমৰ্থন জনাই কংগ্ৰেছে ৷ আজিৰ সংবাদমেলত উপস্থিত থাকে ন কংগ্ৰেছৰ নেত্ৰী মীৰা বৰঠাকুৰ ৷
লগতে পঢ়ক: আঞ্চলিক দলৰে মিত্ৰতা সন্দৰ্ভত কি ক'লে হাগ্ৰামাই ?
