গুৱাহাটী, 25 ডিচেম্বৰঃ ৰাজ্যত ভয়াৱহ ৰূপ লৈছে কয়লা চোৰাং ব্যৱসায়ে ৷ মহানগৰীত বহুদিন ধৰি চোৰাং কয়লা সৰবৰাহৰ ঘটনা সংঘটিত হৈ আহিছে ৷ যোৰাবাট আৰক্ষীয়ে মঙলবাৰে আৰক্ষী চকীৰ সন্মুখত চলোৱা এক বিশেষ অভিযানত জব্দ কৰে এখন কয়লা ভৰ্তি ট্ৰাক ।
যোৰাবাটত জব্দ কয়লা ভৰ্তি ট্ৰাক
মেঘালয়ৰ লাটুমবাইৰ পৰা গুৱাহাটীৰ বেলতলা দিশে লৈ গৈ থকা অৱস্থাত AS 01 LC 8260 নম্বৰৰ এখন চোৰাং কয়লা ভৰ্তি ট্ৰাক জব্দ কৰে যোৰাবাট আৰক্ষীয়ে । নথিপত্ৰ অবিহনে যান-বাহন নিয়ম উলংঘা কৰি 35 টন কয়লা মেঘালয়ৰ পৰা গুৱাহাটীলৈ আনিছিল । ট্ৰাক চালক বিপ্লৱ নাথক (25) যোৰাবাট আৰক্ষীয়ে সোধ-পোচৰ বোবে গ্ৰেপ্তাৰ কৰে ।
আৰু পঢ়কঃ গুৱাহাটীত বৰদিনৰ ব্যাপক প্ৰস্ততি
