গুৱাহাটী, 21 ছেপ্টেম্বৰঃ দেশৰ 64 টা সমষ্টিত বিধানসভাৰ আগন্তক উপ-নিৰ্বাচনৰ বাবে নিৰ্বাচন আয়োগে অধিসূচনা প্ৰকাশ কৰা পাছতেই অসমতো নিৰ্বাচনক লৈ তৎপৰ হৈ পৰিছে সকলো ৰাজনৈতিক দল ৷ অসমত 4 টা বিধানসভা সমষ্টিত হবলগীয়া উপ-নিৰ্বাচনক লৈ ভাৰতীয় জনতা পাৰ্টীৰ সম্পূৰ্ণ প্ৰস্তুতিৰ ইংগিত ব্যক্ত কৰিলে স্বয়ং মুখ্যমন্ত্ৰী সৰ্বানন্দ সোণোৱালে ৷ দিছপুৰত সাংবাদিকৰ সৈতে হোৱা সাক্ষাৎকাৰত অসমৰ চাৰিওটা সমষ্টিতেই বিজেপিয়ৰ প্ৰাৰ্থীয়ে বিপুল জয়লাভ কৰিব বুলি মন্তব্য প্ৰকাশ কৰে ৷ বিজেপি নেতৃত্বাধীন মিত্ৰজোঁট চৰকাৰখনে বিগত দিনবোৰত কৰা জনহিতকৰ কামৰ প্ৰতিদান হিচাবে উন্নয়নৰ স্বাৰ্থত ৰাইজে বিজেপিক ভোটদান কৰিব বুলি আশা ব্যক্ত কৰে মুখ্যমন্ত্ৰীগৰাকীয়ে ৷ উল্লেখ্য যে ৰাজ্যখনৰ ৰাতাবাৰী, সোণাৰি, ৰঙাপৰা আৰু জনিয়া বিধানসভা সমষ্টিত আগন্তক উপ-নিৰ্বাচন অনুষ্ঠিত হ'ব ৷
আসন্ন উপ নিৰ্বাচনক লৈ আত্মবিশ্বাসী মুখ্যমন্ত্ৰী সোণোৱাল
