হোটেল ভাৰ্গৱৰ মেনেজাৰ ৰাহুল ডেকাক গ্ৰেপ্তাৰ CID ৰ

অসম আৰক্ষীৰ উপ পৰিদৰ্শক পদৰ নিযুক্তি কেলেংকাৰী সন্দৰ্ভত আৰক্ষীৰ অপৰাধ অনুসন্ধান শাখাৰ অভিযানত শুকুৰবাৰে গ্ৰেপ্তাৰ হয় প্ৰশান্ত কুমাৰ দত্তৰ লখৰাস্থিত হোটেল ভাৰ্গৱৰ মেনেজাৰ ৰাহুল ডেকা ৷

গুৱাহাটী, 25 ছেপ্তেম্বৰ: অসম আৰক্ষীৰ উপ পৰিদৰ্শক পদৰ নিযুক্তি কেলেংকাৰী সন্দৰ্ভত আৰক্ষীৰ অপৰাধ অনুসন্ধান শাখাৰ অভিযান অব্যাহত ৷ কেলেংকাৰীৰ অন্যতম অভিযুক্ত প্ৰাক্তন ডি আই জি প্ৰশান্ত কুমাৰ দত্তৰ বাসগৃহত বৃহস্পতিবাৰে অভিযান চলোৱাৰ সমান্তৰালকৈ, দত্তৰ আটাইবোৰ ব্যৱসায়িক প্ৰতিষ্ঠানতে অভিযান অব্যাহত ৰাখিছে অসম আৰক্ষীৰ অভিযানকাৰী দলটোৱে ৷ শুকুৰবাৰে প্ৰশান্ত কুমাৰ দত্তৰ লখৰাস্থিত হোটেল ভাৰ্গৱৰ মেনেজাৰ ৰাহুল ডেকাক সোধ-পোছৰ অন্তত গ্ৰেপ্তাৰ কৰে অপৰাধ অনুসন্ধান শাখাৰ দলটোৱে ৷ লগতে জব্দ কৰে বহু গুৰুত্বপূৰ্ণ নথিপত্ৰ ৷ সম্প্ৰতি ৰাহুল ডেকাক লৈ অনা হৈছে অপৰাধ শাখাৰ কাৰ্যালয়লৈ ৷ উল্লেখ্য যে, প্ৰাক্তন ডি আই জি প্ৰশান্ত কুমাৰ দত্তই সম্প্ৰতি আত্মগোপন কৰি আছে ৷

লগতে পঢ়ক: বন বিভাগৰ অভিযানত কাঠৰ কুণ্ডাভৰ্তি ট্ৰাক জব্দ