গুৱাহাটী, 18 ডিচেম্বৰ: ৰাজ্যৰ শেহতীয়া পৰিস্থিতি সন্দৰ্ভত মন্ত্ৰী চন্দ্ৰমোহন পাটোৱাৰীৰ সংবাদমেল ৷ সংবাদত মেলত পাটোৱাৰীৰ মন্তব্য কৰে যে, অসমীয়া ভাষা কেতিয়াও বিনষ্ট হ'ব নিদিও ৷ অসমীয়া ভাষা সদায় চিৰ চেনেহী হৈ থাকিব ৷ ইতিমধ্যে ভূমি নীতি গ্ৰহণ কৰা হৈছে আৰু এই ভূমি নীতি অনুসৰি অসমৰ মাটি হস্তান্তৰ হ'ব নোৱাৰে ৷ খিলঞ্জীয়াৰ নামতে থাকিব অসমৰ ভূমি ৷
ইয়াৰ লগতে তেওঁ কয় যে, কিছুমান অশুভ শক্তিয়ে অসমত মূৰ দাঙি উঠিছে ৷ আমি হিংসাৰ আশ্ৰয় লোৱা তৃতীয় শক্তিক চিনাক্ত কৰি মিলাপ্ৰীতিৰে থাকিব লাগিব ৷ তৃতীয় বা ৰাজনৈতিক শক্তিৰ ওপৰত চৰকাৰে ব্যৱস্থা ল'ব ৷
আমাৰ উন্নয়নৰ যাত্ৰাত আগন্তুক দিনত নিবনুৱা সকলক সংস্থাপনৰ দিশত আগবঢ়াই নিয়া হ'ব বুলিও কয় মন্ত্ৰী গৰাকীয়ে ৷
তেওঁৰ মতে, তেওঁলোকে কোনো কাম অসমৰ ৰাইজৰ পৰা লুকুৱাই কৰা নাই ৷ আজিও জাতি,মাটি,ভেটি,সংস্কৃতি ৰক্ষাৰ যি প্ৰতিশ্ৰুতি দিছিল তাৰ পৰা তিলমানো তেওঁলোক বিচ্যুত হোৱা নাই ৷
বৰ্তমানেও কোনো কূটাঘাট সংঘটিত হোৱাৰ সম্ভাৱনা থকা বাবেই ইন্টাৰনেট সেৱা কৰ্তন কৰি ৰখা বুলি উল্লেখ মন্ত্ৰী গৰাকীৰ ৷
এই আন্দোলনৰ দ্বাৰা আটাইতকৈ ডাঙৰ ক্ষতি হ'ব নিবনুৱা সকলৰ ৷ কিয়নো তেওঁলোকৰ নিযুক্তিৰ বাবে উদ্যোগবোৰত আহিবলগীয়া যি ব্যয়বোৰ আছিল সেইবোৰ হ্ৰাস পাব ৷
লগতে পঢ়ক- এককালীন সাহায্য সন্দৰ্ভত শিল্পীসমাজৰ মন্তব্য
