গুৱাহাটী,৩০ নৱেম্বৰ: অৰুণাচল প্ৰদেশৰ চাকমা আৰু হাজং প্ৰতিনিধি সংগঠনসমূহে মঙলবাৰে নতুন দিল্লীৰ যন্তৰ মন্তৰত সাব্যস্ত কৰে তীব্ৰ প্ৰতিবাদ । শেহতীয়াকৈ কেন্দ্ৰীয় গৃহ মন্ত্ৰণালয়ে অৰুণাচল প্ৰদেশৰ চাকমা আৰু হাজংসকলৰ বাবে জাৰি কৰা আৱাসিক প্ৰমাণ পত্ৰ (Residential Proof Certificates) বাতিল কৰাৰ বিৰুদ্ধে সাব্যস্ত কৰে এই প্ৰতিবাদ । যন্তৰ মন্তৰত তীব্ৰ প্ৰতিবাদী কাৰ্যসূচী ৰূপায়ণ কৰি গৃহমন্ত্ৰী অমিত শ্বাহলৈ প্ৰেৰণ কৰে এখন স্মাৰকপত্ৰ ।
চাকমা আৰু হাজং প্ৰতিনিধি সংগঠনে গৃহ মন্ত্ৰীক জনাই যে ২৩ নৱেম্বৰ ২০২২ তাৰিখৰ অসম ৰাইফলছৰ নিৰ্দেশত সেৱাত যোগদান কৰাৰ বাবে অস্থায়ী আৱাসিক প্ৰমাণপত্ৰ বাসস্থান তথা স্থায়ী বাসিন্দাৰ প্ৰমাণ হিচাপে গ্ৰহণ কৰা হোৱা নাই বুলি জাননী দিয়া হৈছিল । শেহতীয়াকৈ কেইবাজনো চাকমা আৰু হাজং জনগোষ্ঠীৰ লোকক বাছনি কৰা হৈছে ।
অসম ৰাইফলছে নিজেই নিযুক্তিৰ বাবে অস্থায়ী আৱাসিক প্ৰমাণপত্ৰ প্ৰত্যাখ্যান কৰিছে । গতিকে এয়া স্পষ্ট যে TSC জাৰি কৰাৰ উল্লিখিত লক্ষ্যবোৰ পৰাজিত হৈছে আৰু সেয়েহে TSC জাৰি কৰাৰ আদেশ প্ৰত্যাহাৰ কৰিব লাগিব আৰু স্থায়ী বাসস্থান প্ৰমাণ পত্ৰ জাৰি কৰিব লাগিব বুলি চাকমা হাজং ৰাইটছ এলায়েন্সৰ (Chakma Hajong Rights Alliance) দিল্লী-এনচিআৰৰ আহ্বায়ক তেজাং চাকমাই প্ৰকাশ কৰে ।
প্ৰতিবাদী কাৰ্যসূচী ৰূপায়ণ কৰি ভাৰতীয় চাকমা ডেভেলপমেণ্ট ফাউণ্ডেশ্যনৰ (Chakma Development Foundation of India) প্ৰতিষ্ঠাপক সুহাস চাকমাই কয় যে অৰুণাচল প্ৰদেশত আইনৰ কোনো শাসন নাই । AAPSU এ অৰুণাচল প্ৰদেশৰ ৰাজ্য চৰকাৰৰ ওপৰত সৰ্বোচ্চ কৰ্তৃপক্ষ হিচাপে কাম কৰি আছে । শীঘ্ৰে RPC বাতিলৰ সিদ্ধান্ত প্ৰত্যাহাৰ নকৰিলে তীব্ৰ প্ৰতিবাদী কাৰ্যসূচী গ্ৰহণ কৰাৰ হুংকাৰ প্ৰদান কৰে প্ৰতিবাদকাৰীসকলে ।
লগতে পঢ়ক: DU ragging case: কোনো শিক্ষানুষ্ঠানতে তিনি বছৰলৈকে অধ্যয়ন কৰিব নোৱাৰিব বহিষ্কৃত ৪ ছাত্ৰই
