অৰুণাচল প্ৰদেশ, 19 মেঃ অৰুণাচল প্ৰদেশৰ ক্ৰা দাৰী জিলাৰ তালী বিধানসভা সমষ্টিৰ অন্তৰ্গত ৰাকসো আৰু ৰাইবালো ভোটদান কেন্দ্ৰৰ ভোটদাতা সকলে দেওবাৰে ইটানগৰ নিৰ্বাচন ভৱনৰ সন্মুখত ধৰ্ণা প্ৰদৰ্শন কৰি পুনৰ ভোটদান অনুষ্ঠিত কৰিবলৈ দাবী জনায় ।
উল্লেখনীয় যে অৰুণাচল প্ৰদেশৰ কোলোৰিয়াংগ বিধানসভা সমষ্টিৰ নম্পে ভোটদান কেন্দ্ৰ আৰু তালী বিধানসভা সমষ্টিৰ গিম্বা ভোটদান কেন্দ্ৰত ২১ মেত তৃতীয় বাৰৰ বাবে পুনৰ ভোটদান প্ৰক্ৰিয়া আৰম্ভ হব ।
অৰুণাচল প্ৰদেশৰ দুটা ভোটদান কেন্দ্ৰত পুনৰ ভোটদানৰ দাবী ভোটাৰৰ
প্ৰথমবাৰ ১১ এপ্ৰিলত উক্ত দুটা ভোটদান কেন্দ্ৰত ভোটদান হয় । কিন্তু নিৰ্বাচনী হিংসাৰ পিচত ২৭ এপ্ৰিলত পুনৰ ভোটদান প্ৰক্ৰিয়া অনুষ্ঠিত কৰা হয় । তৎসত্বেও পুনৰ খেলিমেলি হোৱাৰ অভিযোগ উত্থাপিত হোৱাত যাৰ বাবে নিৰ্বাচন আয়োগে দুটা ভোটদান কেন্দ্ৰত ২১ মেত পুনৰ ভোটদান প্ৰক্ৰিয়া অনুষ্ঠিত কৰাৰ ঘোষণা কৰে ।
