গুৱাহাটী, ৮ মাৰ্চঃ দ্বিতীয় বাৰৰ বাবে বাতিল হ'ল 33 তম গুৱাহাটী গ্ৰন্থমেলা 2019-20 ৷ ভাৰত চৰকাৰৰ স্বাস্থ্য আৰু কল্যাণ মন্ত্ৰালয়ে জাৰী কৰা পৰামৰ্শ অনুসৰি বাতিল কৰা হয় এই গ্ৰন্থ মেলা ।
অসম প্ৰকাশন পৰিষদৰ উদ্যোগত অহা 14 মাৰ্চৰ পৰা 25 মাৰ্চলৈ গুৱাহাটীৰ চানমাৰি অসম অভিযান্ত্ৰিক খেল পথাৰত অনুষ্ঠিত হ'ব লগীয়া 33 তম গুৱাহাটী গ্ৰন্থমেলা 2019-20 স্থগিত ৰখা হৈছে ৷ অসম প্ৰশাসন পৰিষদৰ সচিব প্ৰমোদ কলিতাই সংবাদ মাধ্যমলৈ প্ৰেৰণ কৰা এক সংবাদ বিজ্ঞপ্তিত আজি জানিবলৈ দিয়ে ৷ সম্প্ৰতি বিশ্বৰ বিভিন্ন স্থানত বিয়পি পৰা COVID-19 ভাইৰাছৰ পৰিপ্ৰেক্ষিতত ভাৰত চৰকাৰৰ স্বাস্থ্য আৰু কল্যাণ মন্ত্ৰালয়ে জাৰী কৰা পৰামৰ্শ অনুসৰি অসম প্ৰকাশন পৰিষদে এই গ্ৰন্থমেলা স্থগিত ৰখাৰ সিদ্ধান্ত গ্ৰহণ কৰে ৷
