গুৱাহাটী, ১৭ অক্টোবৰ: এইবাৰ অসমৰ এটা বেংক জালিয়াতিৰ বিষয়ত দুজন বিজেপি বিধায়কৰ প্ৰসংগই ৰাজ্যত সকলোৰে দৃষ্টি কাঢ়িছে ৷ প্ৰসংগটো হ’ল সাৰদা কেলেংকাৰীৰ সৈতে নাম সাঙোৰ খোৱা এজন ব্যৱসায়ীয়ে বেংক জালিয়াতিৰে এপেক্স বেংকৰ পৰা কোটি কোটি টকা লোৱাৰ নিয়ম বৰ্হিভূত কাহিনী ।
এপেক্স বেংকৰ অধ্যক্ষ বিশ্বজিত ফুকনৰ ঘনিষ্ঠ বুলি পৰিচিত এইজন ব্যৱসায়ী ৷ এইজন ব্যৱসায়ীয়ে এপেক্স বেংকৰ পৰা লাভ কৰিলে ২০ কোটি ৩০ লাখ টকা ৷ জালিয়াতিত সাঙোৰ খাই পৰা ব্যৱসায়ীজনে কেনেকৈ এপেক্স বেংকৰ পৰা লাভ কৰিলে এই বিশাল ধনৰাশি ? এই লৈ এতিয়া আঙুলি উঠিছে এপেক্স বেংকৰ অধ্যক্ষ তথা বিজেপিৰ বিধায়ক বিশ্বজিত ফুকনলৈ ৷
![Apex bank fraud](https://etvbharatimages.akamaized.net/etvbharat/prod-images/17-10-2023/apexbankfraudandbjpmlaconnection_17102023174452_1710f_1697544892_465.jpg)
আনকি বিজেপিৰেই আন এগৰাকী বিধায়ক মৃণাল শইকীয়াই সামাজিক মাধ্যম X-ত প্ৰকাশ কৰিছে নিজৰ প্ৰতিক্ৰিয়া । অভিযোগৰ আঙুলি টোঁৱাইছে বিধায়ক বিশ্বজিৎ ফুকন অধ্যক্ষ ৰূপে থকা বেংকটোৰ 'বৰ্ড অৱ ডাইৰেক্টৰ্চ'লৈ ৷
খুমটাই সমষ্টিৰ বিধায়ক মৃণাল শইকীয়াই লিখিছে, “ভাৰতত বেছিভাগ কেলেংকাৰীৰ এজন বলিৰ পঠাত অন্ত পৰেগৈ আৰু সেইবাবেই ভাৰতত দুৰ্নীতি কেতিয়াও শেষ নহয় । মই বহু বছৰৰ আগতেই এপেক্স বেংকৰ গ্ৰাহক আছিলো আৰু মোৰ জ্ঞান অনুসৰি এজন ব্ৰাঞ্চ মেনেজাৰে ব’ৰ্ডৰ অনুমোদন অবিহনে ১০ লাখতকৈ অধিক ঋণ অনুমোদন দিব নোৱাৰে ৷ আশাকৰোঁ এই নিলম্বিত বলিৰ পঠা শাখা পৰিচালকজনতে কেলেংকাৰীৰ অন্ত নপৰক ৷”
কিয় এই টুইট কৰিব লগা হ’ল বিধায়ক মৃণাল শইকীয়াই ?
-
Most of the scams in India ends up with a scapegoat and that is why corruption never ends in India.I was a client of Apex Bank many years ago nd according to my knowledge a BM can’t sanction more than 10 lakhs of loan without board approval. I hope this suspended branch manager… https://t.co/pLOP7nrfqS
— Mrinal Saikia (@Mrinal_MLA) October 16, 2023 " class="align-text-top noRightClick twitterSection" data="
">Most of the scams in India ends up with a scapegoat and that is why corruption never ends in India.I was a client of Apex Bank many years ago nd according to my knowledge a BM can’t sanction more than 10 lakhs of loan without board approval. I hope this suspended branch manager… https://t.co/pLOP7nrfqS
— Mrinal Saikia (@Mrinal_MLA) October 16, 2023Most of the scams in India ends up with a scapegoat and that is why corruption never ends in India.I was a client of Apex Bank many years ago nd according to my knowledge a BM can’t sanction more than 10 lakhs of loan without board approval. I hope this suspended branch manager… https://t.co/pLOP7nrfqS
— Mrinal Saikia (@Mrinal_MLA) October 16, 2023
অসম কো-অপাৰেটিভ এপেক্স বেংকে ৰিজাৰ্ভ বেংকৰ নিৰ্দেশনা উলংঘা কৰি বিতৰ্কিত ব্যৱসায়ীজনক ২০ কোটি ৩০ লাখ টকা প্ৰদান কৰাৰ শেহতীয়া বিস্ফোৰক তথ্যই চকু কপালত তুলিছে সকলোৰে ৷ জালিয়াতিত জড়িত হৈ পৰা বিতৰ্কিত ব্যৱসায়ীজনৰ নাম ৰাজেশ বাজাজ । এই অসম কো অপাৰেটিভ এপেক্স বেংকত মুখ্যমন্ত্ৰী ড৹ হিমন্ত বিশ্ব শৰ্মা সঞ্চালক আৰু সৰুপথাৰৰ বিধায়ক বিশ্বজিত ফুকন অধ্যক্ষ হিচাপে আছে ৷
১৯৪৮ চনতে স্থাপন হোৱা এই বেংকটোৱে ভাৰতীয় ৰিজাৰ্ভ বেংকৰ নীতি নিয়ম উলংঘা কৰি এপেক্স বেংকৰ অধ্যক্ষ বিশ্বজিত ফুকনৰ ঘনিষ্ঠ বুলি পৰিচিত ব্যৱসায়ী ৰাজেশ বাজাজক ২০ কোটি ৩০ লাখ টকা দিয়াৰ কথা পোহৰলৈ আহিছে ৷ এইগৰাকী ৰাজেশ বাজাজৰ কোম্পানী নৰ্থ ইষ্ট প্লাণ্টেশ্যন এণ্ড কমাৰ্ছিয়েল প্ৰাইভেট লিমিটেডক প্ৰদান কৰা হয় এপেক্স বেংকৰ ২০ কোটি ৩০ লাখ টকা ৷ ৰিজাৰ্ভ বেংকৰ নিয়ম উলংঘাৰে এই বিশাল ধনৰাশি দিয়াৰ কথা পোহৰলৈ আহিছে ।
তথ্য অনুসৰি ৰাজেশ বাজাজ নামৰ ব্যৱসায়ীজনৰ কোম্পানী নৰ্থ ইষ্ট প্লাণ্টেশ্যন এণ্ড কমাৰ্চিয়েল প্ৰাইভেট লিমিটেডে এপেক্স বেংকৰ পৰা ‘ডিমাণ্ড বিল পাৰ্ছেছ’ৰ জড়িয়তে বিগত ৫ এপ্ৰিলৰ পৰা ২০ জুনৰ ভিতৰত মুঠ ২০ কোটি ৩০ লাখ টকা লাভ কৰিছে ৷ বেংকটোৰ অধ্যক্ষৰ দায়িত্বত থকা বিশ্বজিত ফুকনৰ ঘনিষ্ঠ বুলি পৰিচিত ৰাজেশ বাজাজৰ কোম্পানীক ৫ এপ্ৰিলৰ পৰা ২০ জুনলৈ মুঠ ৬ বাৰ নীতি বহিৰ্ভূতভাৱে ২০ কোটি টকা আদায় দিলে এপেক্স বেংকে ৷
ৰাজেশ বাজাজে তেওঁৰ আন কোনো বেংকৰ চেক জমা দিয়েই ‘ডিমাণ্ড বিল পাৰ্ছেছ’ৰ জড়িয়তে এই বিশাল পৰিমাণৰ ধন আদায় কৰি নিলে ৷ কিন্তু যিটো ৰিজাৰ্ভ বেংক অব ইণ্ডিয়াৰ নীতিয়ে কেতিয়াবাই বাৰণ কৰি থৈছে ৷ ২০১৫ চনৰ ১ জুলাইত ভাৰতীয় ৰিজাৰ্ভ বেংকে নিৰ্দেশনা জাৰি কৰি ‘ডিমাণ্ড বিল পাৰ্ছেছ’ বা চেক ক্ৰয়ৰ ক্ষেত্ৰত প্ৰতিবন্ধকতা আৰোপ কৰি থৈছে ৷