গুৱাহাটী, 24 ছেপ্টেম্বৰঃ সপ্তমবাৰৰ বাবে আয়োজিত হ'ব ব্ৰহ্মপুত্ৰ ভেলী ফিল্ম ফেষ্টিভেল । 6 বছৰ সফল সংস্কৰণ পিছত 26 ছেপ্টেম্বৰৰ পৰা 29 ছেপ্টেম্বৰ লৈ গুৱাহাটীত ব্ৰহ্মপুত্ৰ ভেলী ফিল্ম ফেষ্টিভেলৰ সপ্তম সংস্কৰণ । চাৰিদিনীয়া কাৰ্যসূচীৰে অনুষ্ঠিত হ'ব লগা এই ফিল্ম ফেষ্টিভেল আয়োজন কৰা হৈছে গুৱাহাটীৰ মাছখোৱা প্ৰাগজ্যোতি সাংস্কৃতিক প্ৰকল্প প্ৰেক্ষাগৃহত ।
ব্ৰহ্মপুত্ৰ ভেলী ফিল্ম ফেষ্টিভেলত 33 খন ৰাষ্ট্ৰীয় আৰু আন্তঃৰাষ্ট্ৰীয় ছবি প্ৰদৰ্শন কৰা হ'ব লগতে বিভিন্ন স্থানৰ পৰা আমন্ত্ৰণ কৰা হৈছে খ্যাতিসম্পন্ন পৰিচালকসকলক । 33 খন ছবি ভিতৰত থাকিব অসমীয়াৰ লগতে নাগালেণ্ড, মিজোৰামৰ কেবাখনো চলচিত্ৰ। সপ্তম ব্ৰহ্মপুত্ৰ ভেলী ফিল্ম ফেষ্টিভেলৰ আৰম্ভণি অনুষ্ঠানত উপস্থিত থাকিব ছবি নিৰ্মাতা ইমতিয়াজ আলী আৰু অভিনেত্ৰী সোভিতা ধোলিপালা । এইবাৰৰ মহোৎসৱত প্ৰদৰ্শিত হ'ব লগা প্ৰথমখন ছবি পৰিচালক প্ৰতিম ডি গুপ্তাৰ ছবি শান্তিলাল অ' প্ৰজাপতি ৰহস্য ।
ইয়োপৰি, এইবাৰ ব্ৰহ্মপুত্ৰ ভেলী ফিল্ম ফেষ্টিভেলত সকলো দৰ্শকৰ বাবে প্ৰৱেশ বিনামূলীয়া কৰা হৈছে বুলি জানিবলৈ দিছে আয়োজক সমিতিৰ সঞ্চালিকা বৰ্ষা ৰাণী বিষয়াই ৷
