গুৱাহাটী,23 ফেব্ৰুৱাৰী: বিনা প্ৰতিদ্বন্দিতাৰে বিজেপিৰ প্ৰাৰ্থীৰূপে ৰাজ্যসভালৈ নিৰ্বাচিত হ'ল বিশ্বজিৎ দৈমাৰী । সোমবাৰে আছিল ৰাজ্যসভাৰ মনোনয়ন প্ৰত্যাহাৰৰ অন্তিম দিন । কিন্তু ৰাজ্যসভাত খালী হোৱা একমাত্ৰ আসনখনৰ বাবে এজন প্ৰাৰ্থীয়েই মনোনয়ন দাখিল কৰিছিল আৰু তেওঁ আছিল সদস্য বিপিএফৰ সদ্যত্যাগী তথা ন বিজেপি নেতা বিশ্বজিৎ দৈমাৰী ৷
সেই অনুসৰি একমাত্ৰ প্ৰাৰ্থীগৰাকীৰ মনোনয়ন বৈধ ঘোষিত হোৱাৰ পিছত সোমবাৰে ৰাজ্যসভা নিৰ্বাচনৰ ৰিটাৰ্ণিং বিষয়া দুলাল চন্দ্ৰ পেগুৱে বিশ্বজিৎ দৈমাৰীক বিনা প্ৰতিদ্বন্দিতাৰে নিৰ্বাচিত হোৱা বুলি ঘোষণা কৰে । উল্লেখ্য যে, সাংসদ হিচাপে এয়া হ’ব দৈমাৰীৰ চতুৰ্থটো কাৰ্যকাল ৷
