গুৱাহাটী, ২৩মে': ক'ভিড টেষ্টৰ ক্ষেত্রত অসমে এক কোটিৰ ঘৰ অতিক্ৰম কৰিলে। বিগত ২৪ ঘণ্টাত ১,০৭,৩৯৮ গৰাকী লোকৰ ক'ভিড টেষ্ট কৰাৰ লগে লগে অসমে কোটিৰ ঘৰ অতিক্ৰম কৰিলে । ৰাজ্যখনত এতিয়ালৈকে ১,০০,৮৯,৭১৪ গৰাকী লোকৰ ক'ভিড টেষ্ট কৰাৰ বিপৰীতে মুঠ ৩,৬৫,৬২০ গৰাকীৰ দেহত ক'ভিডৰ উপস্থিতি ধৰা পৰিছে আৰু ইয়াৰে ৩,০৭,৫৪৮ গৰাকীয়ে আৰোগ্য লাভ কৰিছে ।
আনহাতে এতিয়ালৈকে ক'ভিডত ৰাজ্যৰ ২,৬৬৭ গৰাকী লোকে প্ৰাণ হেৰুৱাইছে। বৰ্তমান ৰাজ্যখনত সক্ৰিয় হৈ থকা ক'ভিড ৰোগীৰ সংখ্যা হৈছে ৫৪,০৫৮ গৰাকী। ইয়াৰে গৰিষ্ঠ সংখ্যাকে হBম আইছ'লেচনত আছে । ৰাজ্যখনত ক'ভিড ৰোগীৰ আৰোগ্যৰ হাৰ ৮৪.১২ শতাংশ আৰু মৃত্যুৰ হাৰ ০.৭৩ শতাংশ ।
বিগত ২৪ ঘণ্টাত ৰাজ্যখনত নতুনকৈ ৫,৯৮০ গৰাকী লোক ক'ভিডত আক্ৰান্ত হোৱাৰ বিপৰীতে মৃত্যু হৈছে ৭৯ গৰাকী ৰোগীৰ। আক্ৰান্তৰ হাৰ ৫.৫৭ শতাংশ । এটা আশাব্যঞ্জক খবৰ যে ৰাজ্যখনত আক্ৰান্তৰ হাৰ লাহে লাহে হ্ৰাস পাব ধৰিছে। কিছুদিন পূৰ্বে আক্ৰান্তৰ হাৰ প্ৰায় ১০ শতাংশলৈ বৃদ্ধি পাইছিল ।
অৱশ্যে আক্ৰান্তৰ হাৰ হ্ৰাস পালেও কিন্তু মৃত্যুৰ হাৰ হ্ৰাস পোৱা নাই। বিগত ২৪ ঘণ্টাত গুৱাহাটী মহানগৰীত সৰ্বাধিক ১৯ গৰাকী ৰোগীৰ মৃত্যু হয় । আনহাতে, আক্ৰান্তৰ হাৰো গুৱাহাটী মহানগৰীত সৰ্বাধিক ।
বিগত ২৪ ঘণ্টাত গুৱাহাটীত ৯০২ গৰাকী লোক আক্ৰান্ত হোৱাৰ বিপৰীতে কাছাৰত ৫০২, নগাঁৱত ৪২২ আৰু কামৰূপত ৩৮৯ গৰাকী আক্ৰান্ত হৈছে। ইফালে বিগত ২৪ ঘণ্টাত ৪,৬৫৯ গৰাকী ক'ভিড ৰোগী সুস্থ হৈছে ।
লগতে পঢ়কঃ কৰ’ণাৰ মাজতে লাইকা-দধীয়াবাসীৰ সন্মুখত পুনৰ আন এক প্ৰত্যাহ্বান
