গুৱাহাটী, ১৪ জুলাই: অসমৰ বান পৰিস্থিতি অধিক জটিলতাৰ ফালে গতি কৰিছে ৷ ইয়াৰ মাজতে নামনি অসমত সীমান্তৱৰ্তী ৰাষ্ট্ৰ ভূটানৰ পৰা নামি অহা ধলে হাহাকাৰ পৰিস্থিতিৰ সৃষ্টি কৰিছে ৷ তাৰ মাজতে ১৪ জুলাইৰ নিশা ১২ বজাৰ পৰা ভূটানে কুৰিশ্ব বান্ধৰ পানী এৰি দিছে ৷ ভূটান চৰকাৰে এই কথা জনাইছে অসম চৰকাৰক ৷ বৃহস্পতিবাৰে এই বান্ধৰ পানী এৰিব বুলি ঘোষণা ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মাৰ ৷
ভূটানৰ পাদদেশত থকা অসমৰ বৰপেটা, বঙাইগাঁও আৰু নলবাৰী জিলাত প্ৰভাৱ পেলাব পৰাকৈ এই কুৰিশ্ব বান্ধৰ পানী যথেষ্ট ৷ পূৰ্বৰ বছৰবোৰতো বৰষুণৰ ঋতুত কুৰিশ্ব’ বান্ধৰ পানীয়ে জিলাকেইখনত যথেষ্ট ক্ষতি কৰি আহিছে ৷ বান্ধৰ পানী খুলি দিয়া প্ৰসংগত আগতীয়া জাননী দিয়া পৰিলক্ষিত হোৱা নাছিল । এই বছৰ মুখ্যমন্ত্ৰী হিমন্ত বিশ্ব শৰ্মাই টুইটাৰযোগে কুৰিশ্ব’ৰ পানী খুলি দিয়াৰ কথা সদৰি কৰিছে ৷
কুৰিশ্ব’ জলবিদ্যুৎ প্ৰকল্পৰ জলাশয়ৰ পানী আজি এৰাৰ কথা ১৩ জুলাইৰ দিনা ঘোষণা কৰে ৷ বান্ধটো পৰিচালনাৰ দায়িত্বত থকা ভূটানৰ ড্ৰুক গ্ৰীণ পাৱাৰ কৰ্প'ৰেশ্যন লিমিটেডে ঘোষণা কৰিছিল এই কথা ৷ ড্ৰুক গ্ৰীণ পাৱাৰ কৰ্প'ৰেশ্যন লিমিটেডে প্ৰকাশ কৰা তথ্য অনুসৰি ড্ৰুক গ্ৰীণ পাৱাৰ কৰ্পৰেশ্যনে ১৪ জুলাইৰ পুৱা ০০ বজাৰ পৰা জলাশয়টোত জমা হৈ থকা পানী নিয়ন্ত্ৰিতভাৱে মুকলি কৰিছে ৷ শুকুৰবাৰৰ পুৱা ৯:০০ ঘণ্টাৰ ভিতৰত পানী এৰি দিয়া কাৰ্য সম্পূৰ্ণ হোৱাৰ সম্ভাৱনা ৷
-
The Royal Government of Bhutan has informed us that tonight there will be an excess release of water from the Kurichu Dam. We have alerted our district administrations to remain vigilant and assist the people in every possible way in case the water breaches the Beki and Manas…
— Himanta Biswa Sarma (@himantabiswa) July 13, 2023 " class="align-text-top noRightClick twitterSection" data="
">The Royal Government of Bhutan has informed us that tonight there will be an excess release of water from the Kurichu Dam. We have alerted our district administrations to remain vigilant and assist the people in every possible way in case the water breaches the Beki and Manas…
— Himanta Biswa Sarma (@himantabiswa) July 13, 2023The Royal Government of Bhutan has informed us that tonight there will be an excess release of water from the Kurichu Dam. We have alerted our district administrations to remain vigilant and assist the people in every possible way in case the water breaches the Beki and Manas…
— Himanta Biswa Sarma (@himantabiswa) July 13, 2023
অসমৰ মুখ্যমন্ত্ৰী হিমন্ত বিশ্ব শৰ্মাই এই প্ৰসংগত যোৱা নিশা টুইটযোগে কয়, "ৰয়েল ভূটান চৰকাৰে আমাক জনাইছে যে আজি ৰাতি কুৰিচু বান্ধৰ পৰা অতিৰিক্ত পানী এৰি দিয়া হ'ব । আমি আমাৰ জিলা প্ৰশাসনক সতৰ্ক হৈ থাকিবলৈ আৰু পানীয়ে বেকী আৰু মানস নদীত ধল আনিলে জনসাধাৰণক সকলো ধৰণেৰে সহায় কৰিবলৈ সতৰ্ক কৰি দিছো“ ৷
অসম চৰকাৰৰ তথ্য অনুসৰি বৰ্তমান অসমৰ ১৯ টা ৰাজহ চক্ৰৰ মুঠ ১৭৯ খন গাঁও বানত আক্ৰান্ত হৈ আছে ৷ বানৰ দ্বাৰা সমগ্ৰ অসমতে ২২১১.৯৯ হেক্টৰ শস্য ভূমি ক্ষতিগ্ৰস্ত হৈছে । অসমৰ চুবুৰীয়া ৰাষ্ট্ৰ ভূটানৰ পৰা বৈ অহা বানে বিশেষভাৱে ইতিমধ্যে চিৰাঙত প্ৰভাৱ পেলাইছে ৷ চিৰাঙত বানৰ বাবে ১৪৩২৮ জন লোক ক্ষতিগ্ৰস্ত হৈছে। এতিয়া ভূটানৰ কুৰিশ্ব’ৰ বান্ধৰ পৰা খুলি দিয়া পানীয়ে বেকী-মানাহত তাণ্ডৱ সৃষ্টি কৰি মূলত বৰপেটাত প্ৰত্যক্ষভাৱে আৰু আন কেইবাখনো জিলাত আংশিক প্ৰভাৱ পেলাব ৷
উল্লেখযোগ্য যে, কুৰিশ্ব’ পূৱ ভূটানৰ এখন ডাঙৰ নৈ ৷ ভূটানৰ মুংগৰ জিলাত অৱস্থিত এই নৈখন ৷ কুৰিশ্ব হ’ল মানাহৰ প্ৰধান উপনৈ ৷ ই তিব্বতৰ পৰা নামি অহা এখন ডাঙৰ নৈ । তিব্বত অঞ্চলত ইয়াৰ নাম Lhozhag Nub Qu । ভূটানৰ এই কুৰিশ্ব’ নদীৰ বান্ধটোৰ বিদ্যুৎ শক্তি উৎপাদন ক্ষমতা ৬০ মেগাৱাট ৷ জলবিদ্যুৎ প্ৰকল্প ২০০১ চনত নিৰ্মাণ সম্পূৰ্ণ কৰা হয় ৷ এই প্ৰকল্প ভাৰত-ভূটান সহযোগিতাত ১৯৯৪ চনত আৰম্ভ কৰা হয় ৷ ইয়াৰ কংক্ৰিট বান্ধটোৰ উচ্চতা ৫৫ মিটাৰ ৷ ২০০৬ চনৰ এপ্ৰিল মাহত ভাৰতৰ ৰাষ্ট্ৰদূত সুধীৰ ৱ্যাসে ভুটানক কুৰিশ্ব’ বান্ধটো সমৰ্পণ কৰে । এই বান্ধৰ পৰা পানী এৰিলে মানাহ-বেকী নদীয়েদি বানপানী হৈ অসমৰ বৰপেটা জিলাত প্ৰত্যক্ষ প্ৰভাৱ পেলাই আহিছে দীৰ্ঘদিন ধৰি ।
লগতে পঢ়ক: Chirang flood update: চিৰাঙত বানাক্ৰান্ত ৰাইজৰ বিলৈ
