গুৱাহাটী, 2 জুন : ৰাজ্যত অব্যাহত আছে এটাৰ পিছত আনটো নাৰী নিৰ্যাতন তথা ধৰ্ষণৰ ঘটনা ৷ বৃহস্পতিবাৰে তেনে এক জঘন্য ঘটনা পোহৰলৈ আহিছে ৷ তথ্য অনুসৰি, এইবাৰ মহানগৰীৰ হেঙেৰাবাৰীৰ ৰূপকোঁৱৰ পথত সংঘটিত হৈছে এই জঘন্য কাণ্ড (Arunachali girl raped in Guwahati) ৷
অভিযোগ অনুসৰি, বুধবাৰে নিশা হেঙেৰাবাৰীৰ ৰূপকোঁৱৰ পথত থকা এগৰাকী অৰুণাচলৰ যুৱতীক ধৰ্ষণ কৰে টেনজিং দৰ্জে নামৰ এজন যুৱকে ৷ তাৰ পাচত আজি অৰ্থাৎ বৃহস্পতিবাৰে ভুক্তভোগী যুৱতীগৰাকীয়ে দিছপুৰ আৰক্ষী থানাত দাখিল কৰে এক এজাহাৰ ৷ এই এজাহাৰৰৰ ভিত্তিতেই দিছপুৰ আৰক্ষীয়ে এক গোচৰ ৰুজু কৰি অভিযুক্ত টেনজিং দৰ্জেক আটক কৰে ৷
জানিব পৰা মতে, বৰ্তমান আৰক্ষীৰ জিম্মাত আছে টেনজিং দৰ্জে ৷ ঘটনা সন্দৰ্ভত দিছপুৰ আৰক্ষীয়ে আৰম্ভ কৰিছে তদন্ত ৷ আৰক্ষীৰ তদন্তৰ অন্ততহে সমগ্ৰ ঘটনা পোহৰলৈ আহিব ৷
লগতে পঢ়ক : Minor Gang Rape in Kokrajhar: ধৰ্ষণকাৰীক ফাঁচীৰ দাবীত উত্তাল কোকৰাঝাৰ
