গুৱাহাটী, 18 ডিচেম্বৰঃ বৃহস্পতিবাৰে চানমাৰিস্থিত অসম অভিযান্ত্ৰিক প্ৰতিষ্ঠানৰ খেলপথাৰত অনুস্থিত কৰা হ’ব এখনি প্ৰতিবাদী সভা ৷ ৰাজ্যৰ শিল্পীসমাজে গীত-মাতৰে বিৰোধীতা কৰিব নাগৰিকত্ব সংশোধনী আইনৰ ৷ চৰকাৰে দমনমূলক নীতিৰে আইনখন জাপি দিয়া কাৰ্যক কোনো কৰাণতে মানি নোলোৱাৰ হুংকাৰ শিল্পী সমাজৰ ৷ বৃহস্পতিবাৰৰ প্ৰতিবাদী অনুষ্ঠানত সকলো লোককে অংশগ্ৰহণ কৰিবলৈ আহ্বান জনায় শিল্পী মানস ৰবীনে ৷
আনহাতে, ৰাজ্যৰ শিল্পীসমাজক আৰ্থিক অনুদান দিয়াৰ ঘোষণাৰ ওপৰতো প্ৰতিক্ৰিয়া প্ৰকাশ কৰে শিল্পীগৰাকীয়ে ৷ বৃহস্পতিবাৰৰ প্ৰতিবাদীসভাত এই বিষয়ৰ ওপৰতো আলোচনা কৰা হ’ব বুলি ব্যক্ত কৰে শিল্পী মানস ৰবীনে ৷
ইয়াৰ উপৰিও চৰকাৰে শিল্পীসকলৰ বাবে আগবঢ়োৱা এককালীন সাহায্যৰ বিষয়ে মতামত আগবঢ়ায় অভিনেতা দীনেশ দাস, গৰিমা গাৰ্গ কপিল বৰাৰ লগতে আছুৰ মুখ্য উপদেষ্টা সমুজ্জ্বল ভট্টাচাৰ্য আৰু সম্পাদক লুৰিনজ্যোতি গগৈয়ে ৷
লগতে পঢ়ক- অখিল গগৈৰ গ্ৰেপ্তাৰ সন্দৰ্ভত প্ৰতিক্ৰিয়া প্ৰকাশ দুই ছাত্ৰ নেতাৰ
