গুৱাহাটী, 12 চেপ্টেম্বৰ: বৃহস্পতিবাৰে হোৱা মুষলধাৰ বৰষুণৰ ফলত ৩৭ নং ৰাষ্ট্ৰীয় ঘাইপথত বিভিন্ন ঠাইত দেখা গ'ল কৃত্ৰিম বানপানী । কৃত্ৰিম বানপানীৰ ফলত যোৰাবাট, ১০ মাইল, ৯ মাইল , ৮ মাইল , খানাপাৰাকে আদি বিভিন্ন অঞ্চলত ৩৭ নং ৰাষ্ট্ৰীয় ঘাইপথ বুৰ যোৱা পৰিলক্ষিত হয় । যাৰ ফলত এই পথেদি উজনিৰ পৰা নামনিলৈ অহা-যোৱা কৰা যাত্ৰীসকলে বিভিন্ন ধৰণৰ সমস্যাৰ সম্মুখীন হ'বলগীয়া হৈ আছে । উল্লেখ্য যে, নিৰ্মাণৰ সময়ত ৰাষ্ট্ৰীয় ঘাইপথৰ কাষেদি নলা নিৰ্মাণ নকৰাৰ ফলতে এই দীৰ্ঘদিনীয়া সমস্যাই ৰাইজক ভাৰাক্ৰান্ত কৰি আহিছে ।
কৃত্ৰিম বানপানীয়ে ৩৭ নং ৰাষ্ট্ৰীয় ঘাইপথত কৰা দুৰৱস্থা
