গুৱাহাটী, 9 ছেপ্টেম্বৰ: কংগ্ৰেছত বিসম্বাদে লগ নেৰা হৈছে । বিভিন্ন নিৰ্বাচনত বাৰে বাৰে মুখথেকেচা খোৱাৰ পাছতো কংগ্ৰেছ দলৰ ভিতৰ চ’ৰাত বিসম্বাদ অব্যাহত আছে । শেহতীয়াভাৱে দেশত কংগ্ৰেছৰ ভাৰত জড়ো যাত্ৰা কাৰ্যসূচী চলি থকাৰ মাজতে অসম প্ৰদেশ কংগ্ৰেছৰ বিসম্বাদে পুনৰ মূৰ দাঙি উঠিছে (Dissension in Assam congress)।
এইবাৰ অসম প্ৰদেশ কংগ্ৰেছৰ কাৰ্যকৰী সভাপতি ৰাণা গোস্বামীয়ে দলীয় নেতৃত্বৰ বিৰুদ্ধে ক্ষোভ উজাৰি বিসম্বাদৰ সূত্ৰপাত আৰম্ভ কৰিছে । অসম প্ৰদেশ কংগ্ৰেছৰ ফেচবুক পেজৰ এখন ফটোত অসম প্ৰদেশ কংগ্ৰেছৰ কাৰ্যকৰী সভাপতি ৰাণা গোস্বামীয়ে ৰাজহুৱাকৈ ক্ষোভ উজাৰিছে । অসম প্ৰদেশ কংগ্ৰেছৰ ফেচবুক পেজত(Assam congress facebook page) আপলোড দিয়া ফটোখনত অসম প্ৰদেশ কংগ্ৰেছৰ কাৰ্যকৰী সভাপতি ৰাণা গোস্বামীয়ে (APCC vice president Rana Goswami) ক্ষোভ উজাৰি দিয়া মন্তব্যই কংগ্ৰেছ দলৰ ভিতৰচ’ৰাত তীব্ৰ খলকনি তুলিছে ।
একাংশ তৃণমূল পৰ্যায়ৰ কংগ্ৰেছ কৰ্মীয়েও অসম প্ৰদেশ কংগ্ৰেছৰ ফেচবুক পেজত আপলোড দিয়া ফটোখনক লৈ প্ৰতিক্ৰিয়া প্ৰকাশ কৰি বিসম্মাদৰ সূত্ৰপাত আৰম্ভ কৰা দেখা গৈছে । উল্লেখ্য যে, দিল্লীত ভাৰত জড়ো যাত্ৰা কাৰ্যসূচীত (Bharat Jodo Yatra in Delhi) অংশগ্ৰহণ কৰিবলৈ যোৱা অসম প্ৰদেশ কংগ্ৰেছৰ সভাপতি ভূপেন বৰাসহ(APCC president Bhupen Bora) সাংসদ প্ৰদুৎ বৰদলৈ, গৌৰৱ গগৈ, বিধায়ক ৰকিবুল হুছেইন, ৰেকিবুদ্দিন আহমেদে একেলগে থিয় হৈ থকা এখন ফটো অসম প্ৰদেশ কংগ্ৰেছৰ ছচিয়েল মিডিয়া টীমে ফেচবুকত আপলোড কৰিছে ।
