গুৱাহাটী, 4 ফেব্ৰুৱাৰীঃ জুবিন-গৰিমাৰ বিবাহ বাৰ্ষিকীয়ে গৰকিলে 18টা বসন্ত ৷ এই 18 বছৰীয়া বিবাহ বাৰ্ষিকীৰ দিনটোত কি ক’লে গৰিমা শইকীয়া গাৰ্গে ? স্বামী জুবিন গাৰ্গে দিয়া আটাইতকৈ ভাললগা উপহাৰটো কি? কিয় আৱেগিক হৈ পৰিল বিবাহ বাৰ্ষিকীৰ দিনটোতেই গৰিমা গাৰ্গ? এই সকলো কথাৰ উত্তৰ বিচাৰি গৰিমা গাৰ্গেৰে এক আছুতীয়া সাক্ষাৎকাৰ ইটিভি ভাৰতৰ ৷ চাওক আমাৰ এই বিশেষ প্ৰতিবেদন ৷
সুদীৰ্ঘ 18 টা বছৰ সুখ-দুখৰ লগৰী হিচাপে জুবিনক পাইছে গৰিমাই । 6 বছৰীয়া প্ৰেমৰ অন্তত বিবাহৰ বান্ধোনত বান্ধ খোৱা দুয়োই পাৰ কৰিছে যুগ্ম জীৱনৰ দুটাকৈ দশক । বিবাহ বাৰ্ষিকীৰ দিনটোত কৰ্ম ব্যস্ততাৰেই পাৰ হৈছে দুয়োৰেই দিনটো । আনহাতে প্ৰতিশ্ৰুতি সম্পৰ্কত সোধা প্ৰশ্নৰ উত্তৰত গৰিমাই কয় ‘বিবাহৰ পূৰ্বেও দিছিল আজিও দিয়ে স্বামী জুবিন গাৰ্গে প্ৰতিশ্ৰুতি কিন্তু প্ৰতিশ্ৰুতি কেতিয়াবা প্ৰতিশ্ৰুতি হৈয়ে ৰয়’। ইয়াৰোপৰি ব্যস্ততাপূৰ্ণ জীৱনৰ মাজত এজনে আনজনৰ প্ৰতি সময় উলিয়াব নোৱাৰিব বুলি পূৰ্বতেই বুজিছিল পত্নী গৰিমা গাৰ্গে। পূৰ্বতেই বুজিছিল পত্নী গৰিমা গাৰ্গে সচৰাচৰ স্বাভাৱিক স্বামী-স্ত্ৰীৰ দৰে সম্পৰ্ক দুয়োৰে নহ’ব আৰু সেইবাবে কথাবোৰ বৰ্তমান মানি ল’বলৈ চেষ্টা কৰিছে বুলিও উল্লেখ কৰে গৰিমা গাৰ্গে।
আনহাতে প্ৰেমৰ সম্পৰ্কৰ প্ৰথম বছৰত স্বামী জুবিন গাৰ্গে এটা লকেট দিছিল যিটো বৰ্তমানেও সযতনে ৰাখিছে গৰিমা গাৰ্গে। এই কথা ইটিভি ভাৰতৰ আগত প্ৰকাশ কৰে গৰিমাই ৷ আজিৰ এই পৱিত্ৰ বিবাহ বাৰ্ষিকীৰ দিনটোত গৰিমা গাৰ্গে স্বামী জুবিনৰ সুস্বাস্থ্য কামনা কৰে আৰু নিজৰ যতন লোৱাটো বিচাৰে বুলিও উল্লেখ কৰে ৷ এনেদৰেই তেওঁলোকৰ প্ৰেমৰ বছৰবোৰ খুব সুন্দৰকৈ প্ৰেমৰ মাজেৰে পাৰ হওঁক। এই দিনটোত ইটিভি ভাৰত অসমৰ তৰফৰ পৰাও জুবিন গাৰ্গ আৰু গৰিমা গাৰ্গলৈ বিবাহ বাৰ্ষিকীৰ অলেখ-অযুত শুভেচ্ছা জ্ঞাপন কৰিলো ৷
আৰু পঢ়কঃবাজেট 2020 : কি পালে পূৰ্বোত্তৰে ?
