গুৱাহাটী,3 ডিচেম্বৰঃ নতুন দিল্লীত এক বিশেষ আমন্ত্ৰণযোগে অসম গণ পৰিষদৰ সভাপতিসহ প্ৰতিনিধি দল কেন্দ্ৰীয় গৃহমন্ত্ৰী অমিত শ্বাহক সাক্ষাৎ কৰে৷ দলটোৰ সভাপতি অতুল বৰাৰ নেতৃত্বত যোৱা সঁজাতি দলটোৱে কেন্দ্ৰীয় মন্ত্ৰীগৰাকীক সাক্ষাৎ কৰাৰ অন্তত মংগলবাৰে গুৱাহাটীত উপস্থিত হয়হি ৷ অসমত উপস্থিত হৈ সংবাদ মাধ্যমৰ সৈতে হোৱা মত বিনিময়ত কেতবোৰ তাৎপৰ্যপূৰ্ণ মন্তব্য আগবঢ়াই অগপৰ সভাপতি অতুল বৰাই ৷ অগপৰ কেন্দ্ৰীয় সভাপতিগৰাকীয়ে প্ৰত্যাশিত ছয় জনগোষ্ঠীৰ জনজাতিকৰণ অতি শীঘ্ৰেই সম্পন্ন কৰিবলৈ গৃহমন্ত্ৰী শ্বাহক আহ্বান জনোৱা বুলি উল্লেখ কৰে ৷ সভাপতিগৰাকীয়ে লগতে জনজাতিকৰণ সন্দৰ্ভত অগপৰ স্থিতি সদায়েই সপক্ষত বুলি মন্তব্য কৰে ৷
ইফালে শেহতীয়াকৈ কেব সন্দৰ্ভত অগপৰ নৰম স্থিতিৰ বাবে দলটো সমালোচনাৰ সন্মুখীন হোৱাৰ প্ৰসংগত অতুল বৰাই এনেধৰণৰ অপবাদসমূহ ভিত্তিহীন বুলি মন্তব্য কৰে ৷
আৰু পঢ়ক হাতৰ তেজেৰে শ্ল'গান লিখি প্ৰতিবাদ বিধায়ক ৰূপজ্যোতি কুৰ্মীৰ
