গুৱাহাটী, 15 ছেপ্তেম্বৰ : সদৌ অসম ছাত্ৰ সন্থা আৰু জাতীয়তাবাদী যুৱ ছাত্ৰ পৰিষদৰ নেতৃত্বত গঢ় লৈ উঠা নতুন আঞ্চলিক দল সন্দৰ্ভত শেহতীয়াকৈ প্ৰতিক্ৰিয়া প্ৰকাশ কৰিছে অভিনেত্ৰী বৰষাৰাণী বিষয়াই ৷ নিজে প্ৰত্যক্ষভাৱে ৰাজনীতিত জড়িত নাথাকে যদিও নৱ গঠিত দলটোক লৈ খুবেই আশাবাদী অভিনেত্ৰী গৰাকী ।
2021 চনৰ নিৰ্বাচন হ'ব জাতিৰ অগ্নি পৰীক্ষাঃ বৰষাৰাণী বিষয়া
ইফালে,সাংবাদিকৰ আগত অভিনেত্ৰী গৰাকীয়ে কয় যে,আজি জাতি সংকটত,গতিকে 2021 চনৰ নিৰ্বাচন হ'ব জাতিৰ অগ্নি পৰীক্ষা । জাতিৰ অস্তিত্ব নিৰ্ভৰ কৰিব খিলঞ্জীয়া অসমীয়াৰ ওপৰত । জাতি,ভাষা,সংস্কৃতি সুৰক্ষিত হোৱাটো মই বিচাৰো। নতুন দলে কি কৰিব সেয়া পৰৱৰ্তী সময়ত গম পোৱা যাব কিন্তু জাতি ৰক্ষাৰ লক্ষ্যৰে গঠন হৈছে এই নতুন দলটো। সেয়ে মই আশাবাদী।
