সন্ধিয়া 7 বজাৰ দহটা শীৰ্ষ বাতৰি

সন্ধিয়া 7 বজাৰ দহটা শীৰ্ষ বাতৰি...

অতিকে কৰ্মনিষ্ঠ ডাঃ ভি থিৰুভেনগাদান, যাক সমগ্ৰ দেশেই ভ্যাসাৰপড়ীৰ পাঁচ-টকীয়া চিকিৎসক হিচাপে চিনি পাইছিল, চেন্নাইৰ দক্ষিণ ৰে'লৱে চিকিৎসালয়ত অন্তিম নিশ্বাস ত্যাগ কৰে দেশৰ প্ৰখ্যাত চিকিৎসকগৰাকীয়ে ৷

টুইটাৰযোগে এজন অনুৰাগীক প্ৰত্যুত্তৰ দি কণ্ঠশিল্পী তথা অভিনেতা দিলজিৎ দোচাঞ্জে কয় যে, সুশান্তৰ আত্মহত্যাক এতিয়াও বিশ্বাস আৰু হজম কৰিব পৰা নাই ৷ জীয়াই থকা কালত মাত্ৰ দুবাৰেই সুশান্তক লগ পাইছিল তেওঁ ৷

ধুবুৰী জিলাখনত ক’ভিড ৰোগীত আক্ৰান্ত হৈ মৃত্যু হোৱা লোকৰ সংখ্যা আঠ জনলৈ বৃদ্ধি ৷ কৰ‘ণা ভাইৰাছৰ দ্বাৰা এই প্ৰযন্ত ধুবুৰীত দুহেজাৰৰো অধিক লোক আক্ৰান্ত হৈছে ৷

স্বাধীনতাৰ আনন্দ উল্লাসক আওকাণ কৰি ৰাইজে মেৰামতি কৰিলে মৰাণ সমষ্টিৰ নাহৰণি গাওঁ পঞ্চায়তৰ অন্তৰ্গত মৰাণ নিতাই সংযোগী এটা অতি ব্যস্ত পথ ৷

সমগ্ৰ বিশ্বজুৰি কৰ'ণা ভাইৰাছত 2,16,17,761 তকৈ অধিক লোক আক্ৰান্ত হৈছে ৷ একেদৰে বিশ্বজুৰি মৃত্যু হোৱা লোকৰ সংখ্যা 7,69,004 গৰাকী ৷ ইয়াৰ সমান্তৰালভাবে সমগ্ৰ বিশ্বজুৰি বৰ্তমানলৈ 1,43,33,897 গৰাকী লোক এই ভাইৰাছবিধৰ পৰা মুক্ত হৈছে ৷

ক’ভিড-19 মহামাৰীৰ সংক্ৰমণৰ মাজতে ইন্দো-কানাডিয়ান সম্প্ৰদায়ৰ লোকসকলে উদযাপন কৰে 74 সংখ্যক স্বাধীনতা দিৱস ৷ তেওঁলোকে নায়েগ্ৰা জলপ্ৰপাতত জাতীয় পতাকা উত্তোলন কৰাৰ লগতে কাৰ-ৰেলী কাৰ্যসূচী অনুষ্ঠিত কৰে ৷

বৰপেটাত জনস্বাস্থ্য কাৰিকৰী বিভাগত অনাময় আঁচনিৰ শৌচাগাৰ নিৰ্মাণৰ নামত ব্যাপক কেলেংকাৰি হোৱা বুলি অভিযোগ তুলিচে একাংশ ৰাইজে ৷ অতি শীঘ্ৰে উচিত তদন্ত কৰিবলৈ আহ্বান জনাইছে ৰাইজে ৷

স্বাধীনতা দিৱসত প্ৰধানমন্ত্ৰী নৰেন্দ্ৰ মোডীৰ ঘোষণাৰ পিচতেই নেশ্বনেল কেডেট ক'ৰে ইয়াৰ অন্তৰ্গত জিলাৰ সংখ্যা বৃদ্ধি কৰিবলৈ সিদ্ধান্ত গ্ৰহণ কৰিছে ৷

নিৰ্তানন্দ মিত্ৰৰ পত্নীৰ ভাষ্য অনুসৰি, শনিবাৰে সন্ধিয়া নিৰ্তানন্দ মিত্ৰৰ ঘৰলৈ আহে BPF ৰ চাৰিজন কৰ্মী ৷ ঘৰৰ ভিতৰত প্ৰৱেশ কৰিয়ে নিৰ্তানন্দক দলত্যাগৰ ভাবুকি দিয়াৰ লগতে প্ৰাণে মাৰাৰ চেষ্টা কৰা বুলি অভিযোগ কৰে পত্নীয়ে ।

আৱকাৰী বিভাগে অভিযানকালত বুজন পৰিমাণৰ চুলাই মদ জব্দ ৷ দুজনকৈ ব্যৱসায়ীক আটক কৰিবলৈ সক্ষম হয় আৱকাৰী বিভাগ ৷

অগ্ৰণী সেচ্ছাসেৱী সংগঠন তথা পৰাগ কুমাৰ দাস চৰ লাইব্ৰেৰী এণ্ড ৰিচাৰ্জ ছেন্টাৰ নামৰ সেচ্ছাসেৱী সংগঠনৰ টোৰ সদস্য সকলৰ বানাক্ৰান্ত লোক সকলৰ মাজত সাহাৰ্য বিতৰণ কৰে ৷