গুৱাহাটী, 30 অক্টোবৰঃ ইতিহাসৰ এটা কলংকিত দিন। 30 অক্টোবৰ,মহানগৰীত সংঘটিত হোৱা ধাৰাবাহিক বোমা বিস্ফোৰণৰ আজি 11 টা বছৰ অতিক্ৰম কৰিলে ৷ এই দিনটোতে অসমৰ বহু স্থানত উগ্ৰপন্থীয়ে সংঘটিত কৰিছিল ধাৰাবাহিক বোমা বিস্ফোৰণ। সমগ্ৰ অসমত 30 অক্টোবৰৰ ধাৰাবাহিক বিস্ফোৰণত মৃত্যু হৈছিল 81 জন নিৰীহ লোকৰ।
আনহাতে শ্ৰদ্ধাঞ্জলি অনুষ্ঠানত উপস্থিত থাকি মৃতকৰ আত্মাৰ সদ্গতিৰ বাবে প্ৰাৰ্থনা জনাই মুখ্যমন্ত্ৰী সৰ্বানন্দ সোণোৱাল,শিক্ষা মন্ত্ৰী সিদ্ধাৰ্থ ভট্টাচাৰ্য,কুইন ওজা,অতুল বৰা আৰু লগতে বহু বিশিষ্ট ব্যক্তিয়ে। এই অনুষ্ঠানত মৃত ব্যক্তিসকলক সুঁৱৰি সমূহীয়া প্রার্থনা কৰা হয়। হিন্দু,মুছলিম শিখ,বৌদ্ধিষ্ট সকলোৱে মিলি মৃতকৰ আত্মাৰ সদগতিৰ বাবে প্রার্থনা কৰে। মুখ্যমন্ত্ৰী সৰ্বানন্দ সোণোৱালে মৃতকলৈ গভীৰ শ্ৰদ্ধাঞ্জলি জ্ঞাপন কৰি কয় যে সন্ত্ৰাসবাদ মুক্ত অসম নিৰ্মাণ কৰাৰ উদ্দেশ্যে সন্ত্ৰাসবাদৰ বিৰুদ্ধে আমি সকলোৱে একেলগ হ'ব লাগিব।
