যোৰহাট, 8 ফেব্ৰুৱাৰীঃ অসমীয়া জাতি, ভাষা, অস্তিত্বক সংকটৰ মুখলৈ ঠেলি ত্ৰিপুৰাৰ দৰে কৰিব বিচৰা কেন্দ্ৰীয় চৰকাৰৰ সিদ্ধান্ত বিৰুদ্ধে যোৰহাটৰ ৰাজপথত পুনৰ নাৰী শক্তিৰ প্ৰতিবাদী কাৰ্যসূচী ৷ নাগৰিকত্ব সংশোধনী আইনৰ বিৰোধিতা কৰি প্ৰায় দুই শতাধিক মহিলাই যোৰহাট জিলা উপায়ুক্ত কাৰ্যালয়ৰ সন্মুখত অৱস্থান কৰি উত্তাল কৰি তোলে সমগ্ৰ পৰিৱেশ ৷ অসমৰ দৰে ব্যাপক ঘনত্ব থকা জনসাধাৰণৰ বাবে এই আইন এক প্ৰকাৰৰ বৰবিহ স্বৰূপ ৷ জিলাখনৰ বিভিন্ন ঠাইৰ পৰা আহি সমবেত হোৱা নাৰী সকলে বিভিন্ন ধৰণে প্ৰতিবাদ সাব্যস্ত কৰে ৷ চৰকাৰে যিদিনালৈকে এই জাতি ধ্বংসী আইন বাতিল নকৰে তেতিয়ালৈকে "কা"ৰ বিৰোধিতা কৰি এনেদৰে প্ৰতিবাদ কৰি যোৱাৰ সংকল্প যোৰহাটৰ নাৰী শক্তিৰ ৷
যোৰহাটত নাৰীশক্তিৰ ব্যাপক প্ৰতিবাদ
লগতে পঢ়কঃতিতাবৰত পিঞ্জৰাবদ্ধ প্ৰকাণ্ড নাহৰফুটুকী
