যোৰহাট, ৭ মে': যোৰহাটত মহামাৰীৰ সংক্ৰমণ বৃদ্ধি হৈ থকাৰ সময়তে শুকুৰবাৰে ১৮-৪৪ বছৰ বয়সৰ ব্যক্তিৰ টীকাকৰণ প্ৰক্ৰিয়া আৰম্ভ হয় । যোৰহাটৰ বিভিন্ন স্থানত এই নিৰ্দিষ্ট বয়সৰ লোকসকলে প্ৰতিষেধক কৰা পৰিলক্ষিত হৈছে । আন আন স্থানৰ লগতে যোৰহাটৰ ৫ খন মহাবিদ্যালয়তো প্ৰতিষেধকৰ প্ৰথম পালি প্ৰদান কৰা হৈছে ।
যোৰহাটত টীকাকৰণ অভিযান
যোৰহাটৰ চন্দ্ৰ কমল মহাবিদ্যালয়, জগন্নাথ বৰুৱা মহাবিদ্যালয়, যোৰহাট মহাবিদ্যালয়, দেৱী চৰণ বৰুৱা মহাবিদ্যালয় আৰু বাহনা মহাবিদ্যালয়ত চলিছে টীকাকৰণ প্ৰক্ৰিয়া । অনলাইনযোগে পঞ্জীয়ন কৰা লোকসকলক প্ৰতিষেধক প্ৰদান কৰা হৈছে । সামাজিক দূৰত্ব মানি চলি প্ৰতিষেধক গ্ৰহণৰ বাবে যুৱক-যুৱতীসকলেও শাৰী পাতি থকা পৰিলক্ষিত হৈছে ।
লগতে পঢ়ক:প্লাষ্টিকেৰে নিৰ্মাণ কৰা হ’ল গ্ৰাম্য পথ
